جارى التحميل
استخدم زر ESC أو رجوع للعودة
طمن روحك بإيمانك
إن ربنا موجود
مهما كانت الدنيا مقفلة معاك
فيه رب ودود
يحمل عنك همك وغمك
وليل كنت تحسبة ما يزول
وفكرة دايرة بيك
ومتخاصم ومتشائم
ان فرجة لسة بعيد
طمن روحك بإيمانك
إن ربنا موجود
يكشف خيوط سودة
متشعلقة فيها اوهامك
ومضلمة شمسك ف دمك
وكسرة ليك نهارك
وكتمانك لسر شايلة ف احضانك
خايف تبوح بيه لأصحابك
ذلة تكرة بيها ايامك واحلامك
وبكرة مستني احوالك
ترسم آمالك بضي الوجود
طمن روحك بإيمانك
إن ربنا موجود
خايف من ذنب مضايقك
وخنقك وساجن فيك
فرحك وطرحك
ومقيد فيك سعيك وطرحك
وخير بايد ممدودة تساعدك
من حبيبتك من اهلك
وجيرانك وصحبك
اهرب واجري وارمي
بنفسك في رحمة
ربنا المعبود
وطمن نفسك بإيمانك
إن ربنا موجود
حاول تتسامح
وتنسي فعل كان جارح
الدنيا خدعة ولعبة ومسارح
فيها الطيب والشقي
والحاسد فيك
وجع في القلب طارح
فيها الحب والصد
مالي كل المطارح
طول ما البشر في الحياه موجود
طمن روحك بإيمانك
إن ربنا موجود
إن ربنا موجود
**********
شعر/ عبد الناصر السمطي
