فين الجمل إيه العمل

قول يا زمن قبل ما نرحل

فين الجمل راح الأمل

ليه الندم وليه أزعل

لو كان صحيح مات الجمل

فين جثته فين محمله

يبأه الشهيد محتمل


يكون غريق أو متهم


والعدل مات أيوه إتقهر


من غير جنازه إتعدم


مكتوب علينا خطوتين


خطوه حزينه تبكى بآنين


والتانيه تشكى لربها


الشعب راضى يقول آمين


ماهو شعب كله شحاتين


أول حصاد السنين


وهديه حلوه يا بياعين


ونهاية آسيه لل100 يوم


وبيسألوه الفرح فين


رد عليهم الزعيم


تكبير ... الله أكبر


تكبير .... الثوره تخسر


وبراءه لكل المذنبين


والقاتل أصله هو مين


ايوه أنا وانته الآمين


ماخلاص شبعنا يا كدابين


والقصة توته وإنتهت


حتى الستاره أختفت


ومعاها أكبر فنانين


وكراسى بلا متفرجين


مسرح كبير


تكبير ... الله أكبر


تكبير .... الثوره تخسر


أصل الجمل من غير صنم


صنمنا إحنا بنعبده


زرعنا خوف وبنحصده


ضحكو علينا بالدقون


ماخلاص يامصر راح يهون


الغالى قبل الرخيص


الكل حالف راح يخون


أكبر مافيك يابلد


الذل وارثه للابد


يسقينا إحنا والولد


حره يامصر للكبير


لمعالى دولة الوزير


وياعينى ع الشعب الفقير


تكبير ... الله اكبر


تكبير ... الثوره تخسر


ولا نطول ولا نقصر


يدوب قلوبنا تتحسر


ننام بكدبه نعشقها


ونصحى لكدبه نشتاقها


ومصر ناس بتسرقها


عليك يارب تحرسها


تكبير ... الله أكبر


تكبير ... الله أكبر

تكبير ... الله أكبر
-----------------------
مصطفى محمود أبوإبراهيمـ

خطوط الطول تتقسمـ

دموع وآهات

مدارها حار ويتبسمـ

بمر سكات

خطوطها واخده خطاوينا

بتطويها بلون الذات

وعاشقه لكل آسامينا

وطالبه حالات

حاله يوم تضحكنا

وحالة نوح لحد ممات

وحاله ايوه رحاله

وواخدانا لدواير العرض

دواير العرض مداريه

بتأسى علينا وقويه

وتسقينا نار البعد

وعرض فى بحر أحلامنا

يحاربنا بنار السهد

ويسرق احلى مافينا

ما يستر عرض

يعشش البكى علينا

ونارنا حاصده أمانينا

بدواير..عرض

شبعنا ..غلب

مافى غير طريق واحد

نقول يارب ....نقول يارب

-----------------

مصطفى محمود أبوإبراهيمـ

فين الجمل إيه العمل

قول يا زمن قبل ما نرحل

فين الجمل راح الأمل

ليه الندم وليه أزعل

لو كان صحيح مات الجمل

فين جثته فين محمله

يبأه الشهيد محتمل


يكون غريق أو متهم


والعدل مات أيوه إتقهر


من غير جنازه إتعدم


مكتوب علينا خطوتين


خطوه حزينه تبكى بآنين


والتانيه تشكى لربها


الشعب راضى يقول آمين


ماهو شعب كله شحاتين


أول حصاد السنين


وهديه حلوه يا بياعين


ونهاية آسيه لل100 يوم


وبيسألوه الفرح فين


رد عليهم الزعيم


تكبير ... الله أكبر


تكبير .... الثوره تخسر


وبراءه لكل المذنبين


والقاتل أصله هو مين


ايوه أنا وانته الآمين


ماخلاص شبعنا يا كدابين


والقصة توته وإنتهت


حتى الستاره أختفت


ومعاها أكبر فنانين


وكراسى بلا متفرجين


مسرح كبير


تكبير ... الله أكبر


تكبير .... الثوره تخسر


أصل الجمل من غير صنم


صنمنا إحنا بنعبده


زرعنا خوف وبنحصده


ضحكو علينا بالدقون


ماخلاص يامصر راح يهون


الغالى قبل الرخيص


الكل حالف راح يخون


أكبر مافيك يابلد


الذل وارثه للابد


يسقينا إحنا والولد


حره يامصر للكبير


لمعالى دولة الوزير


وياعينى ع الشعب الفقير


تكبير ... الله اكبر


تكبير ... الثوره تخسر


ولا نطول ولا نقصر


يدوب قلوبنا تتحسر


ننام بكدبه نعشقها


ونصحى لكدبه نشتاقها


ومصر ناس بتسرقها


عليك يارب تحرسها


تكبير ... الله أكبر


تكبير ... الله أكبر

تكبير ... الله أكبر
-----------------------
مصطفى محمود أبوإبراهيمـ

خطوط الطول تتقسمـ

دموع وآهات

مدارها حار ويتبسمـ

بمر سكات

خطوطها واخده خطاوينا

بتطويها بلون الذات

وعاشقه لكل آسامينا

وطالبه حالات

حاله يوم تضحكنا

وحالة نوح لحد ممات

وحاله ايوه رحاله

وواخدانا لدواير العرض

دواير العرض مداريه

بتأسى علينا وقويه

وتسقينا نار البعد

وعرض فى بحر أحلامنا

يحاربنا بنار السهد

ويسرق احلى مافينا

ما يستر عرض

يعشش البكى علينا

ونارنا حاصده أمانينا

بدواير..عرض

شبعنا ..غلب

مافى غير طريق واحد

نقول يارب ....نقول يارب

-----------------

مصطفى محمود أبوإبراهيمـ

مصطفى محمود ابوإبراهيمـ

أول مره بعد الثوره

أقولها بجد

وصلت بيا السخريه

لأعلى حد

إنى أغنى وأنام متهنى

بكل الود

خلاص أرتحنا نسينا جراحنا


زرعنا الورد


وإنتخبنا محمد مرسى


وجانا السعد


خلى الازمه صبحت نسبه


وصدق الوعد


أوعى تقوللى ع 100 يوم


اصله رئيس لا عتاب ولا لوم


راح نستحمل كله يهون


مصر يامصر ياست الكون


وكسه كبيره بأيت مجنون


مسك المايك ميكرفون


يدوب ساعتين هز الكون


وآيه جميلة من القرآن


وصلى وسلم ع العدنان


وشرح القصه فى أحلى بيان


وشعب أتعود ع النسيان


وسأفه جميله وروح نام


إيه يعنى الأمن أتأخر


يجى مجاش راح نتبخر


والأستاذ وجمال المنظر


ومفيش أزمه ف البوتوجاز


ولا بنزينه من غير جاز


ولا حتى أزمة فى جواز


ورغيف عيش شكله مفقع


شوف مرارتنا ايوه هاتفقع


وبكره الكهربا ايوه هاتقطع


نام يا مصرى إن شالله تفرقع

-------------------------
مصطفى محمود ابوإبراهيمـ

((( بسم الشعب )))
_____________

بسم الشعب تسمعها

تقول الله

خلاص الغلب راح يرحل

يتوه فى سماه

وبسم الشعب يحيينا

يجدد الأمل فينا

وبسم الشعب ثورتنا

جمعتنا وخدتنا لنور الحق

وصرختنا للظالم نقوله لأ

وتِعبَانهم خرج م الشق

يلدغنا يسممنا

وننسى الحب

وبسم الشعب خدعونا

وباعونا بسم الشعب

وضحكوا علينا نسيونا

ونار الظلم يسقونا

وكله بآسمى أسامينا

ما إحنا الشعب

وبسم الشعب صفقاته

وعسكر ينجى بحياته

وشعب على نياته

وبسم الشعب

صبح واصى كده علينا

يحرمنا ويعطينا بسم الشعب

ويحكمنا ويركبنا آه يارب

وكله بسم الشعب

يروح ظالم ويجى ظالم

ونشكى وربك العالم

كفايه كدب

و كله بسم الشعب

يجى بعِمه يجى بذمه

يأكلنا يجوعنا

مادام فى خطابه الكلمه

بسم الشعب

بتخلى الدموع غنوه

وأيه الذنب

لما الشعب

ايديه طايله

يدوب الصعب

وبسم الشعب

طوق ناجى للتزوير

وبسم الشعب

بتخلى الحرامى أمـير

وبسم الشعب

قدم السعد له ياناس

ده خلى الشعب

صبح فاقد لكل إحساس

وبسم الشعب ضربونا

وبسم الشعب سحلونا

وبسم الشعب هنا الأحرار

وبسم الشعب دول أشرار

وجوه السجن مطرحنا

وبكره من مصر هايطيحنا

وكله بسم الشعب

وآه ياشعب شبعت غُلب

وكل يوم هنا الجورنال

بيحكى اللى عاوزه قرار

وخبر صادق معاه أسرار

فى ديله كتير أخبار

لكن ...كلها كدب

ياعينى وبسم الشعب

وشعب لا ينطق الكلمه

و هو معاه الهمه

قدر يدخل قلب الشعب

ويعرف كل أحلامه

ويحكى كل آماله

ويحكم بسم أولادهُ

ماهو اصبح كل الشعب

ياريت الكلمه تتغير

أصل الشعب أتحير

وخليها بسم العبد

ولا يهمك وكله شعب
***************( مصطفى محمود أبوإبراهيمـ )

شاعر مصر//مصطفى محمود ابو ابراهيم//عينى عليكى يامصر

عينى عليكِ يامصر

قيدك غلب شعبك

الأمر فيك لله

الكل بيهدك

ياحلوه يا طيبه

قوليلى إيه ذنبك

نفسى تنولى الرضا


دى القسوه من نايبك


قال كايده العدا


وقلوبنا بتحبكِ


وأمنا وصوتنا يوصل بالغنا


فوق السحاب من غير حجاب


يوصل ياناس للسما


دوغروى بدون أسباب


والكل قال عشقك


وانت المنى


ووجوهنا من رسمك


اللون ده قمحى صحيح


والقمح قال ناقصك


تعال شوف الحكايه


وأخرة الاخبار


شعب من الأحرار


مفيش هناك أشرار


بس من الاسرار


كله عامل مصرى


يحكى فى ليل ونهار


مصر دى بتاعتى


صبحنا كالافواج


راحت كمان راحتى


الحب فيك لغات


زادت كمان حيرتى


الحب ده إسلامى


ياسلام على عينى


وده حب ليبرالى


وثقافته تنسينى


وحب علمانى


وده حب نوعه ايه


والإشتراكيه


حبها كان ليه


إسمع كلامى يا أبنى


وخدها وصيه


الحب حب البلد


مش حب برضيه


دى مصر بأهلها


والحب مش ثقافات


نولنا كمان ذكرها


من فوق سبع سموات


ياشعب مصر آهات


على مصر حبيبتنا


الحب مش شعارات


دى مصر نور بيتنا


وإن كان على حبها



حبوها بالمصرى


تنول ياواد الرضا


تصبح كمان حصرى


حب الوطن إيمان


وشهادة بترابها


ووضوء كمان م النيل


والعيشه فى رحابها


(بحبك يامصر )


جرب كده تقولها


من غير كمان أفكار


تسعد وبتنولها


وتعيش كما الأحرار


وتغنى فى موالها


الفرقه صعبه أوى


زى حرارة النار


بحبك يامصر


غصب عن الأشرار


بحبك يامصر


زى ما تحبى


حبى ليك يامصر


حب واحد مصرى


والحب يبأه صحيح


لما يكون مصرى

شاعرمصر الغالى//مصطفى محمود ابو ابراهيم//ياللى انتا جاى من بعيد

ياللى إنته جى من بعيد

مزاد عجيب كمان غريب

وعندنا كل الجديد

سوقنا عنيد بائسه شديد

قرب وشوف سوق العبيد

شوف البضاعه عندنا

الوصف شئ يهمنا

العبد ده كان ثورجى

وصوته عالى بالأوى

وشغلته صبى مكوجى

ونفسه بلده ترتوى

بدمه بس مفترى

حد قال اشترى

والتانى أيوه فوريجى

لسانه يحكى بالأوى

وثقافته جايه م السما

يقول كمان الا أنــا

والنقد له مشكله

مين يقول ليا أنا

والعبد ده شبهى أنا

بيحب بلده والضنى

شايل هموم 30 سنه

حيران وحيرته مؤلمه

للفرجه بس يا وله

عبد كمان إيام زمان

عابد زعيم بس ده كان

وعبد تانى صولجان

عاشق تملى الأمريكان

بالليل يخون ونهار جبان

وعبيد كتير وبالألوان

والكل يحكى ع اللى خان

اصل الخيانه بالحنان

الكل بيحب الوطن

ودمعه ينزل بالشجن

يصرخ تملى من المحن

ويقول دى مصر أغلى وطن

العمر كله فى خدمتك

ومهما شفت فى سكتك

خدام لمين عبد لئيمـ

غبى وأصله مش تمام

يبنى فى مصر بالملام

لو إجتمعنا كلنا

حب بلدنا يضمنا

إنت وهى كمان أنا

عبوديه ترحل عننا

لكن أسير 30 سنه

محتاج كمان 30 سنه

علشان يقول مصرى أنـا

والكلمه تعلى للسما

وسوق العبيد يمشى بعيد

بعيد بعيد عننا ...

_ _ _ _ _ _ _ _ _
مـصطفى مـحمود أبـوإبـراهيمـ

شاعر مصر//مصطفى محمود ابو ابراهيم//

يامصرقولى إنتِ مين

سمره وكحيلة برمش عين

وضحكة صافيه على خدين

وورد فتح ف البساتين

ولا المرار صابك سنين

يامصر قولى إنتِ مين

يامصر إنت السيده

وأخوك سيدنا الحسين

ولا يامصر متقيده

والقيد أليم

والسجن جوه زرعتك

والأرض طين

يامصر قولى إنتِ مين

إنتِ الحكيم إنتِ الآمين

ولا صبحتِ دولتين

والشعب أصبح فرقتين

ولا البكى صابك ياعين

ياريت تقولى إنتِ مين

إنتِ الجرس مع صوت آدان

إنتِ الأمــل مع فجر بان

ولا يامصر إنتِ الآنين

يا طاهره قولى إنتِ مين

إنتِ الفقير فى ليل طويل

من غير غفير

ولا أمير

والعيشه عيشة مليونير

ولا مشير

وبيادته تدهس مظلومين

ولا مشايخ اتجمعوا

على كلمتين

الكرسى يصبح ملكهم

والليل حزين

يا مصر قولى إنتِ مين

إنتِ اللى فات

اللى حكم ارضك ومات

ولا اللى عايش فى طره

ومعاه قلوب مستخسره

تعودلنا مصر ياعين

يا مصر قولى إنت مين

********
( مصطفى محمود أبوإبراهيم )

الشاعر الكبير//مصطفى محمود ابو ابراهيم

رمضان كريم يامصر

للى يقول الله

ويعيش كمان فى الذكر

يدعى كتير لله

ورد الجناين اللى فتح

غير ياناس فى مصر

والزهر لونه يفرح

ساعةاللقا ف العصر

ورد جميل وشباب

ماتوا ياناس م القهر

ومحاكمه تتأجل

شهر ورا كام شهر

وصبرنا لما الصبر

زهق كمان م الصبر

عايشين بنغزل أمل

طلع الأمل بالغدر

والأنتظار ده مرار

والعيشة صبحت مر

والقسمة والمكتوب

صعبان عليهم الحُر

رمضان كريم يامصر

قومى إفرحى بيه

حلوه ياست الكل

الدعوه مقبوله فيه

إدعوا معايه بقوه

يا كل سكان مصر

يرجع ضميرنا بقوه

ونحب تانى مصر

حب البلد مش شعر

ولا ياناس شعارات

حب البلد بالصدق

مش غنوه ولا ربابات

تعالوا ننسى الكدب

ننسى مر اللى فات

صفحة جديدة يامصر

والله محتاجه

عزيمة تجلب نصر

وفكره ورياده

قالوا اللى بنى مصر

كان إخلاصه بزياده

مصر مش للعسكرى

ولا حتى لجماعه

مصر كبيره أوى

مصر دى سياده

الشاعر الكبير//مصطفى محمود ابو ابراهيم

رمضان كريم يامصر

شاعر مصر الكبير//مصطفى محمود ابو ابراهيم//

الشكك ممنوع

والحساب زاد علينا

والأمل مصنوع

بضحكة صفره

وألم فى بكره

الكل فيه موجوع

والشكك ممنوع

الإبتسامه كانت علامه

والقلوب فرحانه ياما

ومصر راجعه بالسلامه

شبعنا ذل معاه مهانه

رجعوا تانى قالوا الزعل مرفوع

والشكك ممنوع

أستلفنا وأعتكفنا

ولما شفنا الجرح نوحنا

وأنتفضنا كمان وثورنا

والدمـ غطى كل طريقنا

والكدب مش مسموع

والشكك ممنوع

بعدما تاهت القلوع

العسكرى بيشترى

كل حاجه ويفترى

وإن طالبته بالذى

كلامى مش مفهوم

وجبت شيخ يفهمه

طلع لسانه مقطوع

والشكك ممنوع

روحت للقاضى أشتكى

القاضى قاللى إختشى

حد يشكى العسكرى

خفت اقول ده مرتشى

يسجنى بالقانون

طب هو فين المشتكى

ماخلاص ده مات

لما شاف الكل نازل يشترى

مات من سكات

والجانى أصبح ثورجى

والثورجى منافق أيوه ومفترى

والحق طبعاً زاد عليه

لإنه ضيع من إيديه

فرط فى كل اللى ليه

وقولتله مفيش رجوع

ده الشكك ممنوع !!!

شاعر مصر الكبير//مصطفى محمود ابو ابراهيم//

الشكك ممنوع

والحساب زاد علينا

والأمل مصنوع

بضحكة صفره

وألم فى بكره

الكل فيه موجوع

والشكك ممنوع

الإبتسامه كانت علامه

والقلوب فرحانه ياما

ومصر راجعه بالسلامه

شبعنا ذل معاه مهانه

رجعوا تانى قالوا الزعل مرفوع

والشكك ممنوع

أستلفنا وأعتكفنا

ولما شفنا الجرح نوحنا

وأنتفضنا كمان وثورنا

والدمـ غطى كل طريقنا

والكدب مش مسموع

والشكك ممنوع

بعدما تاهت القلوع

العسكرى بيشترى

كل حاجه ويفترى

وإن طالبته بالذى

كلامى مش مفهوم

وجبت شيخ يفهمه

طلع لسانه مقطوع

والشكك ممنوع

روحت للقاضى أشتكى

القاضى قاللى إختشى

حد يشكى العسكرى

خفت اقول ده مرتشى

يسجنى بالقانون

طب هو فين المشتكى

ماخلاص ده مات

لما شاف الكل نازل يشترى

مات من سكات

والجانى أصبح ثورجى

والثورجى منافق أيوه ومفترى

والحق طبعاً زاد عليه

لإنه ضيع من إيديه

فرط فى كل اللى ليه

وقولتله مفيش رجوع

ده الشكك ممنوع !!!

الشاعر الكبير//مصطفى محمود أبو إبراهيم

قوللى مين بيحب مصر

ولا مين عايش فى قصر

المصلحه هى السياده

بين دقون ويا البياده

نشرب إحنا القهوه ساده

وهما فى الأصل ديابه

نجحوا فى التقسيم ياساده

قسمونا فرقين والثوره فين

حد يقوللى هى فين

باقيه لسه ولا هايصه

تايهه باكيه فى ليل حزين

لو صحيح بنحب مصر

كنا نمحى كل عصر

الظلم فيه كان للسما

كنا نطلب الهنا

لو صحيح بنحب مصر

نتحد كده كلنا

شعب إيه يابلد

الظلم فيه عاش وإتولد

كله يتكلم بإسمه

لما إحتارنا فى رسمه

الشعب شعب العطلانين

ولا الغلابه الشأينين

ولا شيوخ ملتحين

ولا توتى أخو نادين

ولا عايش بكليه واحده

ولا بيغسل كليتين

شعب مين قول ده مين

الحكايه إننا شعب حزين

الهبل قانون علينا

نشكى ونقول فرحانين

لما تتعب خطاوينا

نجرى نغلط فى السنين

شعب عاشق يقول آمين

للحرامى واللى غاوى

يسرق الفرح بغناوى

مرسى ولا طنطاوى

والخطب فينا تساوى

ضرب نار يطرح تقاوى

تنزرع تطرح آنين

وقوللى مين بيحب مصر

غير غلابه مطحونين ؟؟؟

شاعر مصـــــــــــر//مصطفى محمود ابو ابراهيم//

يا ضاربين الودع

قولو عملتم إيه

إحكيلى يادى الجدع

الخوف ياريت من إيه

قالوا الحرامى إتمسك

والسرقه أهى فى إيديه

لاسجن راح ولا دخل

ولا حتى حكم عليه

لكن ياناس اللى اتظلم

العين بتبكى عليه

اسير وف المعتقل

والكل تاه ونسيه

صابرين ياناس بالمنى

صبر وكان مش سنه

تلاتين سنه وده ليه

ولما أراد ربنا

يبعت لمصر الهنا

صبحت خايف ليه!!

شاعر مصـــــــــــر//مصطفى محمود ابو ابراهيم//

الشاعر الكبير//مصطفى محمود ابو ابراهيم

هنا قناة الكدابين

وبين قوسين الفراعين

أعلن رئيس القناة

ده شعب مصر كله تاه

أما سيادة المشير

هو الكبير هو الأمير

خلع النسر م العلم

ايوه لأنه محترم

وقاله أيوه بودعك

أيوه لازم أسكتك

أدبحك وأدفنك

ارتاح كمان وأريحك

أول بنود الإتفاق

أصبح أسير النفاق

والثوره تنسى منظرك

حلفت لازم أدبحك

أصل الرئيس

لساه ولى نعمتى

دا كان ونيس

وهو كل قدوتى

تانى بنود الأتفاق

تغير حقايق البشر

وكله لازم يفتكر

إن الخلاص نقطع شجر

فى الصحرا نرمى

كمان السولار

والكل يصبح عبر

واللى يقول الثوره فين

نضحك نقوله عيش ياحبيبى وافتكر!!!!!!

الشاعر الكبير//مصطفى محمود ابو ابراهيم

الشاعر الكبير//مصطفى محمود ابو ابراهيم

الثوره قامت يامصر

وقام معاها شعراء

نظم يقول الحق

وحرف كله بهاء

يكتب أوام القصيده

يبكى كأنه ف نار

يحكى لطفله شريده

عن شعرا كتيرأحرار

كان ليا شاعر صاحبى

فشر أبو النواس

يكتب فى حب الوطن

يروى بكل احساس

يحكى يقول الجد

والجد كان له اساس

شاعر كما الربابات

صوته بيدلع

تسمع اهاته ياعين

حروفه بتولع

وطنى كماالاحرار

تقولش عرابى

واتوحدو الاتنين

يصرخ وبينادى

مصر ياست الكل

ياقبلتى وزادى

يكتب ويكتب ويندب

يعدد كما النسوان

ولما الوقت قرب

كأنه عمره ماكان

رجع لاصله الخسيس

لكناسة الدكان

أصل الزباله أكله

وتاجرته الاوطان

صعبان عليه العسكر

صعبان عليه اللى خان

صبح يشجع شفيق

يديله صوته كمان

يجازيك كل خير

يا ست يا شده

بينت كل معدن

وقلوب مرتده

وانتى يامصر صحيح

لا حول ولا قوه

طالبين ياناس المدد

بدعاء كده لله

عمر ماكان العدد

بيجب مدد وياه

وعمر صوت الحق

مايضيع ياناس فى سماه!!!!

الشاعر الكبير//مصطفى محمود ابو ابراهيم

برغم الخيانه ورغم الظروف

ورغم المهانه وضرب الكفوف

ورغم المكيده وخطه بحروف

وسحل بضراوه وقتل الألوف

ورغم البراءه لقاتل نفوس

وسعرة ديابه وعقل تيوس

ورغم القساوه وسرقة فلوس

مصر هاترجع أجمل عروس

ونيلها هاينسى شكله العبوس

ويرجع بضحكه ويملى الكؤس

كاس الكرامه ويبقى زياده

وليه القياده تحابى السياده

وأصل السياده أكبر لصوص

ورغم العباده وصوت الادان

ورغم بلدنا أجمل مكان

ترابها دا عنبر يزيدك حنان

ليه الديابه علينا لئام

وكل اللى عدى علينا زمان

قالها بحكمه قالها بوصال

أرض الكنانه أرض الرجال

وربك حاميها ليوم القيامه

ومهما يجيلك لص وجبان

نورك هايطلع وعلمك يبان

يرجع يرفرف فى كل مكان

برغم اللى يكدب

ويضحك ويهرب

مصر هاتغلب كل اللى خان

وليه الفلول صبحت تقول

كلمه بباطل ورشوه كمان

وكل املها تِرجع زماان

وتسرق فى قوتنا

وتقتل خواتنا وآخر الحكايه

تولى بغباوه شفيق الجبان

برغم الحكايه وحزن النهايه

مصر بلدنا هاترجع عروس

وثوره هاتخلق أطهر نفوس 

الشاعر الكبير//مصطفى محمود ابو ابراهيم

الشاعر الكبير//مصطفى محمود ابو ابراهيم

برغم الخيانه ورغم الظروف

ورغم المهانه وضرب الكفوف

ورغم المكيده وخطه بحروف

وسحل بضراوه وقتل الألوف

ورغم البراءه لقاتل نفوس

وسعرة ديابه وعقل تيوس

ورغم القساوه وسرقة فلوس

مصر هاترجع أجمل عروس

ونيلها هاينسى شكله العبوس

ويرجع بضحكه ويملى الكؤس

كاس الكرامه ويبقى زياده

وليه القياده تحابى السياده

وأصل السياده أكبر لصوص

ورغم العباده وصوت الادان

ورغم بلدنا أجمل مكان

ترابها دا عنبر يزيدك حنان

ليه الديابه علينا لئام

وكل اللى عدى علينا زمان

قالها بحكمه قالها بوصال

أرض الكنانه أرض الرجال

وربك حاميها ليوم القيامه

ومهما يجيلك لص وجبان

نورك هايطلع وعلمك يبان

يرجع يرفرف فى كل مكان

برغم اللى يكدب

ويضحك ويهرب

مصر هاتغلب كل اللى خان

وليه الفلول صبحت تقول

كلمه بباطل ورشوه كمان

وكل املها تِرجع زماان

وتسرق فى قوتنا

وتقتل خواتنا وآخر الحكايه

تولى بغباوه شفيق الجبان

برغم الحكايه وحزن النهايه

مصر بلدنا هاترجع عروس

وثوره هاتخلق أطهر نفوس 

الشاعر الكبير//مصطفى محمود ابو ابراهيم

الشاعر//مصطفى محمود أبو إبراهيم

حتى الكلاب صبح لهم

فكر وقضيه

فكر ولعب وحرفنه

وعقول ذكيه

الاتحاد فى طبعهم

والابتكار فى دمهم

طب حد يعمل زيهم

ولو شويه

حتى الكلاب صبح لهم

فكر وقضيه

مظلوم صحيح

دا سؤال صريح

والظلم مين السبب

يارب احنا فينا العجب

رمضان هايجى مكان رجب

حتى الكلاب صبح لهم

فكر وقضيه

واحنا اللى غاب

وراح وتاب عنا يا دنيا

العقل زينه عندنا

والظلم جه ما همنا

بنقول احنا يا بختنا

والفرقه دى من طبعنا

ولا الكلاب فكرها

سبأ عقولنا

حتى الكلاب صبح لهم

فكر وقضيه

واحنا اللى غاب عننا

الفكر شويه

سباق علينا وإنكتب

فريق كلاب بس عجب

وأمتحان كله أدب

صندوق كبير كله ورق

تزوير ياناس للى مرء

وعقلى ايوه اتفلق

ونجاح كتير ب اكتساح

وباطل يمضى بالفلاح

واحنا بنبكى على اللى راح

حتى الكلاب صبح لهم

فكر وقضيه

واحنا يدوب على بعضنا

بقلوب قويه

الشاعر الكبير//مصطفى محمود ابو ابراهيم//

 لا إخترناه ولا بايعناه

نجح إزاى سبحان الله

هو الناجح ياخد بالجزمه

ولا لإنه كان الأزمه

والله يابلدى مالينا لزمه

نقتل روحنا ولا نلقاه

لا إخترناه ولا بايعناه

نجح إزاى سبحان الله

عمرك شفت مره رئيس

أصله حرامى أيوه خسيس

وزمنه الماضى كان عتريس

فقر وجوع كان هو معاه

لا اخترناه ولا بايعناه

نجح إزاى سبحان الله

كان مسؤل الجنس الراقى

لابن مبارك أصله فلاتى

وأحمد عز يقوله لولاكِ

زوجتى تقوللى انته حياتى

وبلغ شفيق تحياتى

من غيرك إنته نعيش إزاى

طيران مصر كان يخدمنا

كل الاكل بيجى من بره

خمره ومَزَه تِحلى السهره

حتى الميه بنستوردها

ناكل احنا وشعب جعان

طلع الشعب كله حنان

عاوز شفشق يجى يحكمنا

يبأه دليلنا يبأه عمادنا

نبكى نقوله أصل ولادنا

ماتربوش واحنا ولاد صرمه

لازم ينجح واحنا وراه

لااخترناه ولا بايعناه

نجح ازاى سبحان الله

شفت مرشح تل ابيب

نجح أزاى يا شعب عجيب

ايوه يامصر ممكن أغيب

وامشى لوحدى لآى مكان

عينى يابلدى على البستان

حرقو الجزمه ومش ندمان

ورد وفتح كان دبلان

دمه يابلدى رواه بإمان

جاله شفيق لانه جبان

حرق الورد مع البستان

قتل الورد ومات عطشان

وسكت الشعب سكوت حملان

الشاعر الكبير//مصطفى محمود ابو ابراهيم//

الشاعر//مصطفى محمود ابو ابراهيم

ثوره تقول للشاعر

فين حقى ياميت كداب

ياللى أخدت فؤادى

وزادى كان ف عذاب

أبدعت من ثورتى

وكتبت كل عجاب

ونمت فى ضلتى

محسوب على الاحباب

المر فى شكوتى

يبكى بكل اسباب

وان جيت ياواد اسألك

تجرى تكون هراب

سؤال وليك يا ولد

عاوزه بسرعه جواب

ياريت ترجع وتحيينى

دموعى خلصت يابنى

راحت كمان عينى

وان كان على الحرف

اكتب وغنيلى

مصر الحبيبه خلاص

باكيه فى منديلى

كل الاحبه اتفرقوا

من قبل تكوينى

حلو المخاض يازمن

لكن الضنى نسينى

راجعه ياشاعر بقوه

وراجعلى نور عينى