الشاعر//مجدى محمد//أهات وأنين//((((مش بقولك : حِبـِّنِى )))))

((((مش بقولك : حِبـِّنِى )))))
*****************

تصدّق بإيه ؟

أمنية حياتى ،إنى اشوفك ،

والاقيك قـُصادى ،،

أضُمّـك بروحى ، وأبوس كفوفك ،،

يا أحلى م الشهد المِحَـلــِّى ،

إمتى تقولـىّ :

آجيلك ، أقابلك ؟؟

مش هقولــّـك :

طمعان فى قلبك ،

نِفسى بس ان انت تعرف ،

.... إنى ، باحبك...
***************

الكلام الحلو كله ،

هقوله ليك ،،

والحنان والحب كله ،

جوايا ، ليك ،

واللى باقى ف عمرى برضو،

أنا شايلـُه ليك ،،

بس انت أكتر م الكلام ،،

وأحلى من طعم الحنان ،،

ياللى خلـِّيت الزمان ،،

يرضى عنى ، ويصالحنى ،،

مش بقولك : حِبـِّـنى ،،

يكفينى تعرف ،،،

.... إنى ، باحبك ..
***************
مهما كان بينى وبينك ،

بعيد المكان ،،

أنا كل ليله ،

بحلم بيـــك ،،

واقعد معاك ، وامسك إيديك ،

وبخاف عليك ،،

مانت كل ليله تجينى أحلى ،

م الليله اللى فاتت ،،

عارف ياغالى ،،

أنا عمرى كله ،،

مش خساره فيك ،،

ومش مهم تحبنى ،،

كفايه عندى ، تبقى عارف ،،

.... إنى ،،،،، باحبك .
ـــــــــــــــــــــــــــــ مع تحياتى / مجدى
آهات وأنين.