جارى التحميل
استخدم زر ESC أو رجوع للعودة
أدي البحر الصامت ثار
والتماثيل بقت ثوار
قام الموج في البحر وهاج
والأمواج أفواج أفواج
الميه طلعت
م الحواري والشوارع
م الكنايس والجوامع
م المدارس والمصانع
أصل الحلم كان كبير
وأتجمع كله في التحرير
30
سنة والحق ضايع
والبحر ساكت صابر طايع
فجأة صرخ وسمعنا هديره
وف إصرار قال هنشيله
والحرية صعبة وغالية
وكانت الموجة شديدة وعالية
شالت الرمز من ع الشط
كان نفسهم في قفص حديد
فوق جزيرة هناك بعيد
يروحوا يرموه وفيه يتحط
بس الرمز مش أي حد
دا رمز فساد ورمز العند
وكان ليه في كل شبر
يااما ابن يااما يد
في الحقيقة دا إخطبوط
وطلع وراه مليون حوت
وفضل البحر
بين هدوئه وبين هيجانه
والرمز قاعد هناك مكانه
والموجة تعلا لفوق وتنزل
والأرض حواليها تتزلزل
والرمز محمي في صولجانه
ساب الموجة علي راحتها
في هيجانها وف تخبيطها
وهو قاعد ولاعلي باله
مطمن الموج مش هيطوله
طبعاً ماهو بفساده متحصن
وقصاد الموج واقفين أعوانه
المصدر: احمد منصور
المبدعــــون الشبــــاب//للشاعر صابر الطوخى
