بقدر مايكون الحدث يحدث التفاعل

فأعذروني علي قسوة المعني وأسكن الله شهداء الإهمال

" أطفال أسيوط" فسيح جناته وألهم أهلهم وذويهم الصبر والسلوان
========================

ولاديّ ... ولاديّ

ياحته من أكباديّ

ياضهريّ لما أكبر ياولديّ

تسند زمان الشِيبه

يادمعه لم تنشف

على جدار الخطيئة

بتصرخ وبتناديّ

مين السبب في مواتي

مين السبب يا سْياديّ

يامعني لم يكتمل

في كتاب التاريخ

كتب التاريخ

تفارقني في اللحظاديّ

محتاجك ياولديّ

تمسح بإيد الُطُهر

فوق بَدنيّ

تِغْسِلني بِدِماكْ

وأرحل شهيد لبلاديّ

(إبراهيم الوراقي)

عاوزانيّ ليه ؟؟؟
=============
عاوزانيّ ليه دايماً حزينْ ؟؟؟

دايماً مطاطي الراس
وعايش في السُكات !!!

وتبدريني في ريح

كما الورقات

أرجع ألملم روحي

تاني من سُكات !!!

أرجع ألملم نفسي

كلمة كلمة

وأبتدي بس بسُكات

أول سطوري تكون

بداية من حكاية

سطورها زمان كما الروايات

غنّاها جدي من زمان

وساب لي ورثها بعد الممات

علمني أغني لحفنة تراب

أغلي عندي م الحَيَات

قالي جدي من زمان

أحفر حروفك

فوق جبين الخوف كتابات

وتقطعي بيا الدروب

وتغربيني من سُكات

وتحمليّني تُقل الزمن

فوق الكتاف بس بسُكات

وترجعيني أعيش ذليل

وأتكتب حدوته في الحكايات

وتبقي فرشتي

فوق الرصيف دار

محروم من الإخوات

متفرقين من بعضنا

طول الطريق

لما اتكتب فينا الشَتات

ويخُطْ البياض

فوق الجبين شِيبه

لما نلاقي الوطن مات

لسه برضوا

بتعشقي المطاطيه

لينا من سكات

كما العبيد يتلحف

ضهرنا العريان بالكرابيك

حين الديابه يتلملموا جماعات

عاوزين ينهشوا

بدن الوطن

ويهدموا البنايات

( إبراهيم الوراقي )