وهم وخيال

لأمتى يا بلد هتعيشى ف وهم وخيال

ضايعه ما بين ريس ومسئول وفلول

شعبك مطحون ومسئول غير مسئول


لا بيراعى ضميرو ف طفل ولا رحال


لأمتى هتعيشى ضايعه وكلك انحلال


والظالم بقى مظلوم وميزان العدل مال


هنا شهيد إذا كان طفل وليد أو من الرجال


هنا حادثة عباره وهناك القطر مال


هنا اتوبيس اتقلب بالأطفال


وهناك سواق أهماله يوزن جبال


وهناك عامل تحويله نايم مع باقى العمال


وما بين الضلوع انتحر الضمير بسيف الأهمال


وعجبى عليكى يا بلد الفساد فيكى رحال


بكل شبر فيكى وعلى أراضيكى انهال


حتى القاضى غمه عنيه عن الحقايق ولبسها للجمال


واليوم ختمها الإهمال


القطر شق اتوبيس مليان بالأطفال


كل واحد منهم صبح على امه وبرضاها نال


ودعها بابتسامه أخر وداع قبل الترحال


ويا عينى على امه كانت مستنيه رجوع الأطفال


رجعوا يا عينى ولادها متكفنين لحمهم مخلوط بالرمال


وكل اللى ع المسئول


ينزل دمعتين ويعطى الأهل من الفلوس شوال


قال يعنى الفلوس تعوض ابتسامة بريئه من الأطفال


وتوت توت القطر يعدى ويفوت رحال


وربنا يعافيكى يا بلدى م الظلم والإهمال


وكفايه نعيش فى الوهم والخيال


بقلم أسماء محمد محمد