جارى التحميل
استخدم زر ESC أو رجوع للعودة
كلمات الشاعر/محمدنشرتى مقلد
_______________________
من وسط دورب العاشقين
لقيت نفسى هناك
ولقيت ناس فرحانه
وناس طهقانه
وناس عقله
وناس مجانين
صرخت وقولت مين
هنا جابنى مين
سمعت صوت بينادينى
بيقوللى انا
انا ياغرامى
انا ياضى العين
قولتلها انتى تعرفينى
ردت وقالت
ازاى معرفكش
وانت الهوا
وانت الدوا
وانت الغرام وانت الحنين
كلامها دخل قلبى
هز مشاعرى
سما بروحى
قولتلها كنتى فين
من سنين
يادوا القلب الحزين
كنتى فين
مرديتش
سالت تانى
مرديتش
فجاءه غابت
اختفت
كانها حلم
كانها فص ملح ودابت
وقعدت انادى عليها
وقول ياللى كنتى هنا جانبى
ياللى الهوا صابك وصابنى
وفجاءه
سمعت صوت شيخ بينادى
بيقول ياللى بتنادى بطل تنادى
ريح دماغك متحاولش
قولت له ليه محاولش
ازاى
وهى الوحيده اللى بتحيبنى
ازاى
وانا مصدقت الاقى حد يحبنى
ازاى
دا هى اللى جابتنى هنا ازاى محاولش
قاللى مداورش متحاولش
اسمع كلامى ومتجاوحش
قاللى هقولك ومتندهش
دى واحده كانت بتحب
خانها حبيبها مستحملتش
كرهت الحب واصبح عندها
الحب لعب فى لعب
واصبح غيه عندها
تكسر قلوب
الاحبه زى قلبها
يعنى حبها ليكى
كان غش فى غش
قولتله يعنى خلاص فركش
قولتله يعنى جرح القلوب صافيه متفرقش
يعنى مش فرقه معاها قلبى يتعذب ولا ميتعذبش
(ضاعت الوعود ____وخانى المحبوب
وصبح الحب لعبه______تجرح وكل القلوب)
____(م.ن.مقلد)
المصدر: sabertwky//موقع الشعراء للشاعر صابر الطوخى
المبدعــــون الشبــــاب//للشاعر صابر الطوخى
