الشاعر الكبير//مصطفى محمود ابو ابراهيم

مابين أهبل وبرياله

وحرامى سارقنا ببساله

وعايش كأنه نعامه

ودمعة حب فى رساله

تقول يامصر وحشانا

تعالى بجد

لاهبل مسيره هايعقل

وسوسو بكره يترجل

وصوت الحق هايزلزل

وبسمه حلوه تتشكل

مالها حد

مابين جاحد على بلدهُ

وبين بايع كمان ولدهُ

وناس لمبارك عبدوُ

وفقير الهم أكل كبدهٌ

ومات م الغلب

وناس م الهم مكسوره

وناس بالدمع منحوره

وناس تانيه يدوب صوره

وناس بالباطل منصوره

وعايشه غصب

وناس عايشه تقول آنا

جيوبها بالرزق عمارنا

ولا ثورتنا عجباها

ومايفرقش معاها

موقف صعب

يامصر يا حر قول فينك

حرامى وسارق فى خيرك

من بدرى وانا بناديلك

وبلدك ضايعه من غيرك

قول يارب

بلدنا مالها غيرنا حد

الشاعر الكبير//مصطفى محمود ابو ابراهيم