بقلم// أسماء محمد محمد

سلسلة مع نفسى

مع نفسى
..........
مع نفسى هرسم ملامحى

ملامح جديده بلونى القمحى

هرسم على وشى

ابتسامه رقيقه أدارى بيها حزنى

ولما المح طيفك راح اغمض عيونى

لجل اهرب من شوقى وحنينى

أصل ليك فى القلب حب يا حبيبى

قسما بربى ما موجود على كوكبى

راح اهرب مع حزنى على فراقك يا حبى

قبل ما انهار بين إيديك وتنزل دموعى

اللى بتترجاك ما تسيبنى

وبنفس اللحظه بتقولك اتركنى

اتركنى وعيش حياتك يا أملى

راح اعيش اتمنى اشوفك

سعيد حتى لو مع غيرى

ويكون على ايدك الوليد

اللى اتحرمت أنا يكون لى

ولو فى يوم شوفتنى باضحك

أوعى تفكر انى نسيتك يا عمرى

لا لا وألف لا يا حبى

لكنى قررت ارسم على وشى

ابتسامه مع نفسى

أصلى تعبت من اللى حواليا

كتير بيسئلونى عن سر حزنى

أسكت وأرد بتنهيده من أعماق أعماق قلبى

يقولولى كل دى تنهيده

طبعا محدش بيا حاسس بالنار اللى بقلبى

جوايا ليك حنين وشوق

زى البركان الثاير ولهيب حرارته بتحرق عيونى

لكنى دفنت جوايا حزنى

وقررت مع نفسى

ارسم على وشى

ابتسامه رقيقه لجل اسعد اللى حواليا

ويفرحوا لما يشوفوا ابتسامتى

بقلم أسماء محمد محمد