جارى التحميل
استخدم زر ESC أو رجوع للعودة
الكاتب//احمد منصور//اخص عليكِ
بتعملي كل دا فيّ
بتقابلي خوفي عليكِ
بالمعاملة ديه
بترفضي تعامليني بانسانية
انتِ ليه رافضة تصدقي
ان انا انسان
صدقيني انا مش جماد
ومااتخلقتش عشان اكون
في يوم حيوان
دا انا روح ودم
انا كيان
بين ضلوعي قلب ينبض
لي جبين ع الارض يسجد
الله ربي واسلامي
افضل الاديان
ومافيش حد زيك بيرفض
يعترف بالانسان
رافضة يكون لي اي حقوق
وف حبل ساقية بتربطيني
مايهمكيش اكون مخنوق
وسعيدة وانتِ بتهينيني
ودايماً تستغلي حاجتي
وبتبقي كمان مبسوطة وانتِ
بتمرمطي في كرامتي
بتمرمطينا ليه في طوابيرك
ف كل حتة وكل مكان
وبتحرمينا ليه من خيرك
وتحَكمي فيّ جبان
وبتحلفي ماتسلميني
الا لواحد عدم ضميره
ممكن يعمل كل حاجة
عشان بس يرضي كبيره
واحد بيلاقي سعادته
لما يتحكم في البشر
اجمل اوقات حياته
لما يشوف الدموع
جوه عيون عفيف انكسر
واحد م اللي الفلوس
والا المناصب
عمت قلبه
خلته مايختلفش عن الحجر
واحد م اللي كل همه
يقوله البيه نهي
البيه امر
واحد م اللي ذل البشر
حاطه فوق دماغه تاج
لو في يوم تقوله حقي
يبقي زي التور وهاج
ويفضل يبيع ويشتري
عارف ان ايديا مربوطة
بسلاسل الفقر والاحتياج
وانت فرحانة ومبسوطة
عشان خليتي المفتري
هو يملك وانا محتاج
اخس عليكِ فيكِ العجب
دانتِ سجنتي القتيل
واديتي للقاتل افراج
المصدر: sabertwky
المبدعــــون الشبــــاب//للشاعر صابر الطوخى
