الكاتب// السيد ابراهيم سليم

حاسس بان خلاص مات الصوت

معلون ابوك يا سكوت

هادعى بدعوة يونس يوم ما بلعه الحوت

هادعيلك يا مصر

هادعى بدعوة يوسف لما رموه فى البير وشاف الموت

يا شعب قاسى ما يرضى يتحكم الا بالسوط

اندبح فيا الصوت

وانا رافض يحكمنى طاغوت

رافض يكون لى لسان مربوط

هدعيلك يا مصر بطوفان زى اللى خد فرعون

قادر يارب عليهم اقبلها يا رب الكون

اقبلها يارب قبل ما يحكمنا الملعون

يقتل فينا الجدع والحر يملا السجون

يا شعب اعقل ما فيك بقى مجنون

هادعيلك يا مصر

بدعوة الخليل لما رموه فى النار

اصل القوى ما يقدر عليه غير الجبار

وانا كنت باحلم بالجنه دلوقتى باحلم بالنار

خايف اقابل فى الجنه شهيد من الثوار

يسالنى ايه اللى حصل اقوله فينهار

ما هو دمه راح هدر زى بقيت الاحرار

امانه عليك يا بن بلدى ياللى رايح تختار

صاحبك اللى انت شايفه الفارس المغوار

ايده مليانه بدم شهدائنا الابرار

امانه عليك يا جدع لتحسن الاختيار

الكاتب //السيد براهيم سليم