مصطفى محمود أبو إبراهيم
ودنك منين يا حجا
ياريت تقول للى أستحى
ودنك منين
حكومه نايمه مِطرحه
تايهه وعامله مُصلحه
تشكى بأنين
ودنك منين روح قولهم
الشعب كاره إسمهم
لساه حزين
ياتقولهم ودنك منين
يانشيل كمان البله طين
الكل فاهم بس واهم
كداب مبين
ودنك منين يا حجا
ماتوا وراحو المشرحه
ومغسله ومعدده
وأمهات قتلو السكات
الصرخه توصل للسما
والأم دى تحكى آهات
إبنى الشهيد لساه ما مات
دا كان هنا
والحنه أيوه عجنتها
وعروسته قولت يابختها
وشقته شطبتها
ودوخلته رتبتها
والله ياناس
إبنى يتيم قتله اللئيم
بحرف ميم
ايوه مبارك السبب
وفلول كمان ليها العجب
وحتى إبنه قليل أدب
خلاها طين
ودنك منين يا جحا
والعدل منا ما أستحى
والمحكمه أتأجلت
حتى الأدلة أتسربت
فى عدل مين
ودنك منين يا حجا
وشباب حزين
مسروقه منه ثورته
وأغتالو حتى فرحته
والعسكرى من قوته
خنق الولد
مقتوله والله شكوته
آه يابلد
اصل الحقيقه من هنا
والكل فاهم حتى أنا
لكننا بحكمه طلعت مننا
ودنك منين ياجحا
ودنك منين ؟؟؟

الشاعر الكبير//مصطفى محمود ابو ابراهيم