جارى التحميل
استخدم زر ESC أو رجوع للعودة
قـوم يانيــــل أقف . كلمنـــي
تعــــالي أحـاكمك وحاكمنــي
دانا ياما شـــــربت من ميّتكْ
وحسيت زمـــــان بأبـــــوتك
اسألهـــا ليه بقي بتحرمنــي
قوم يانيــــل أقف . كلمنـــي
اصحـــي يانيـــل يالا وقـــوم
شــــوف الظـالم والمظلـــوم
معقــــول يانيل يروح خيرك
لغير ابنك وغير طيرك
وابنكْ من خير أبوه محروم
يالا يانيل قوم كلمنــــي
ماتسبنيش يانيل محتــار
قولي الخير لسـاه طمنـي
خدني في حضنك طفي النار
اصرخ يانيـــل وقــــــول لأ
قـول ولادي أصحـــاب الحق
أزاي يعيشوا في الحرمان
وأنا جــواهم في الشريــــان
اصرخ يانيــل اصرخ يانيـــل
ألف نهـــــــــار وألف ليـــــل
قول ولادي من حـارمهم
دي أرضهم وأنا نيلهــــم
قوم والحق الولاد
فرقوهم في البلاد
قوم يانيل ولادك شـــابوا
رجَعْ يالا الخير لأصحابه
والله شكلك ماانتَ سامعني
وطول سُكاتك يانيل واجعنــي
جوايا إحساس
ليه مش عارف
إن أنتَ بقيت زيّنـا خايف
هي بانت من البدايـــــة
لازم تفضل كده الحكاية
لا هأقدر أحاكمك ولا تحاكمني
وهأفضل ظالمَكْ
وأنتَ ظالمني
ونفضل كده للنهاية
حكمـــــــوا علينا نفترق
مابقاش في أيدي الاختيار
مش عايزهم يقولـوا غِرقْ
في حضن أبوه بالانتحـار
مش هأموت يانيـل
في حضنك
عشان يانيل أنا لسه ابنكْ
مايقولـــوش الابن غِرقْ
في حضن أبوه م الانهيار
المصدر: sabartwky
المبدعــــون الشبــــاب//للشاعر صابر الطوخى
