صرخة امرأة
................
زى العصفورة
محبوسة فى بيت ابوابة بعيدة
لا قادرة اهرب منة
و لا قادرة اكون فية سعيدة
لازم اكون جامدة و قوية
لازم اكون زى الحديدة
زى لوح التلج
لا ينفع لومة ولا تهديدة
ولا تهزة نسمة
ولا زلازل شديدة
محدش تانى هيقدر
يكسرنى او يأذينى
لازم اكون اقوى
من ايامى و سنينى
كنت دايما بقول
معلش يا دنيا سامحينى
اوعى تغضبى علية
اوعى تعادينى
و كنت سايباكى
مرة تنصفينى و مرة تخذلينى
لا حسيتى يوم بألمى
ولا اثر فيكى انينى
لحد ما فاض بية الكيل
قلت لأ- خلاص- انسينى
انا هعمل اللى يعجبنى
و غصب عنك هعمل اللى يرضينى
......................
بقلم عزة الشربينى

إلغاء إعجابي