({ غـــيـــر الــبــشــر }) كلمات الشاعر / أحمد وهبى
.*************************************.
لمَّــا عِــرفت إن البـــشر *

لازم يكـــون مخلوق بقـــلب

نِفـسى أكون غير البــشر*

وأعيش وحيد ماعملش ذنب

لكــن ذنــوب كُـل البــشر*

أغــلب مافيــها دايــماً لحُب

ونقول دا كان حُكم الــقدر*

وياخُدنا دمع العين فى جنب

والــدمع لو حتى إتحــسر*

القــلب فيه الــجرح صـــعب

ودمع القــلوب لــو ينفــطر*

بيــموت جريح مأساة لحرب

بقىَ هىَّ دى دنيا البشر *

أو هــىَّ دى عيشه لقــــلب

أنا لو هاأعيش عمر أنتظر *

نفس المـــصير وفى أىّْ درب

لازم أعــيش غير البــشر *

وأنســىَ إن أنا مـخلوق بقلب

وإن مـسنِّى منـُّـه الخطر *

هــابعِد وأقــول أســتر يــارب