بقلم الشاعرة//مريم النقادى(مريومة)اللى بينى وبينك سما مجمعانا بالخيال
لو عاش الحب
____________
اللى بينى وبينك سما مجمعانا بالخيال
تكسر الحدود مابينا تعدى بينا المُحــال
تنزل الأراضى تلقى قلب راضى بالسؤال
قلبى رافضه لأنه مشدود ف أرضه بالحبال
صعبة الحياة
رغم كل قيد حديد علّم فى قلبى بانكماش
رغم إنه ف الكون وحيد الوليف لسه مجاش
أما شافك حلف بإنه قبل منك عمره معاش
رغم طيفك زى حلمه قلبى رد وقال بلاش
هتجنى آه
الحببيب يتمنى كلمه عايش بس على رضاه
بيعاند له كل قسمه تحلى الحياة لو معاه
قلبى خَدنى بعدين عاندنى بيطالبنى إنى إنساه
فين الحب اللى بقى بيعيش رغم مرارة الحياة
جرحه أذاه
رباعيات مريومة
