بقلم الشاعر//رامــى الفخرانى//مش كل مرة هشتاق فى مرة

مش كل مرة

هشتاق فى مرة

وأقول لنفسى

دى الغربة مُرة

وف كل مرة أرجع لأرضك

ألاقينى جوه

وأنتى اللى بره ...

هربانة ليه وبتدارى

عينك .

دأنا ضعفى ليكى

عاطيكى قوة ..

وف كل مرة بقول

هسيبك .

الشوق يزيد أكتر ماهو

بس النوبة دى

أنا مرضهاشى..

جتلك وعادى سايبك

وماشى ..

مالكل بعته إشمعنى

إنتى ..

بس إبقى فاكرة

أنا مش هبيعك إنتى

اللى بيعتى ..

جايلك ياغربة .خلاص

نويـت ..

إن شالله تربة وأسكنها بيت

ولا أحن يوم

ولا أبات وأقـوم

على صوت وطن..

طافح سكات ..

واخد نوبل فى الذكريات ..

فرق فى دم إبن

البلد..

على كل بيت

مليم عوض،

طالب ولد بدل اللى مات ..

ياسنين مفارقة زى

الدقايق ..

عن كل شئ مبقتش

طايــق ..

عربيتى قدمت

لو كوم حديد لسه بعافر

لسانى سايق ..

بس الطريق مبقاش شايلنى

حالف ماأعدى رافض بطايق

سبت الطريق .رحت لمفارق

متروسة ناس مهروسة غُلب

شايلة التراب ،،

بس التراب مبقاش يحب ..

مبقتش عارف أخد طريقى.

طول ولا عرض..

ملعون أبوكى بلد

ملعون أبوكى أرض

حاكمانا برصاصة ..

وشيوخها بتحلل السنة والفرض

بالفاتحة وسياسة ..

وبكره تتبدل والحال هيتعدل

وسيرتنا تتمجد

فى تاريخ وكراسة ..

جيت م الطريق مكفوف

خايف بموت م الخوف

لا ف أرضك

ملقاش كفن ......

خلاص مفارقك ..

حالف ما أكون جايلك

ويابخته مين سابك

ملعون أبوك

ياوطن .....

ملعون أبو ترابك.........