عم جمعة ده راجل بقال
كل يوم تلاقيه ف حال
مرة يكسب 5 جنيه ومرة يكسب 5 ريال

عم جمعة ده راجل امين
تشترى منه الحاجة بقلب متين
عشان كده لا يخاف لا صحة ولا تموين

عم جمعة ده راجل نضيف
لا يعرف لا غش ولا تزييف
نشترى منه جبنة وحلاوة ونشترى كمان البولوبيف

عم جمة يصرخ وينادى
مشى يا واد انت م النحية دى
العب بعيد عن دكانى
ده جواه رزقى ورزق عيالى


عم جمعة الساعة 2
يجيلوه بالغدا ابنه حسين
بطاطس وبتنجان مقلى والحلو برتقانتين

عم جمعة ده راجل غلبان
عنده 7 من الولد يا عينى
منهم احمد وزينب وعتمان


عم جمعة يروح بيته
عايشة معاه امه وحماته
زى الديوك ناقر ونقير والله كفاية عليه مراته


عم جمعة ينادى يا لوزة
قومى قوام هاتيلى الجوزة
اخدلى نفسين معسل وبعدها امدد واعسل

عم جمعة ده حكايته حكاية
كل يوم قصة ورواية
وهنعمل معاه ايه ده حكايته حكاية

المصدر: زجل -كل الطلبه
saas279

صالح عابدين احمد

  • Currently 20/5 Stars.
  • 1 2 3 4 5
6 تصويتات / 214 مشاهدة
نشرت فى 16 مايو 2011 بواسطة saas279

ساحة النقاش

صالح عابدين احمد صالح

saas279
محاسب بشركة برامج حاسب آلى الإيميل [email protected] »

بحث سريع

تسجيل الدخول

عدد زيارات الموقع

163,689

اللهم تقبل




اللهم ارزقني حبك وحب من يحبك وحب عمل يقربني الى حبك



Large_1238092844


وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا