جارى التحميل
استخدم زر ESC أو رجوع للعودة
اسمعنا مره
أسمعنا مرة مرة و حاتنا عندك تسمعنا مرة
الدنيا تبقى ما فيها مرة
و الكون يلالى يلالي يلالي بهجة و مسرة
حن في عمرنا الشايفينو مرا
و إن قلت لا لا هم و إستمرا
***
إن درنا نشكي وين نشكي ليكا
وين نلقى دنيا تجمعنا بيكا
ما قلت بتجينا يا حليل مجيكا
و ان ضاع عمرنا محسوب علينا
**
إنت البتنهي و إنت البتامر
إن درت نشقى نشقى و إن قلت نصبر
زي الفراشة في سمانا تهطل
نادر وجودك وجودك في الدنيا يندر
***
نحنا المشاعر جنات حبيبة
دنيتنا راحة و عالمنا طيبة
دايرين عيونك تصبح قريبة
عشان كل حلوة في الكون نجي
--------------------------------------------------------
اعمل ليك ايه
اعمل ليك لو ترجعلى تانى ..
اقطف ليك ورود وانظملك اغانى..
اعزف ليك عود ويغرد كمانى ..
يا احلى الوجود يا اغلى الامانى..
ما كنت الودود حنين وغافر ..
من وراك تصد ووراك التجافى..
كم اوفيت وعود جيت فى تصافى..
واليوم التعود يوم فرحى وزفافى..
من كاسات محنه من ينبوع حنان..
من فردوس وجنه اهدتنا ريحان..
كنت نعيم حياتى كنت منى الزمان..
كيف هان ليك حبى ودمعى الغالى هان..
نار الحب نعيم مر الحب حلو..
والشوق الكبير قلبى مبهدلو..
درب الحب طويل براى مابدخلو..
يا احباب زمان تعالو واسالوا
-----------------------------------------------------
اقابلك
اقابلك في زمن ماشي
وزمن جاي و زمن لسه
اشوف الماضي فيك باكر
اريت باكر يكون هسه
***
و قصر طول مشاويرنا
ورقش بالفرح جلسة
على النيل والقمر
مرات يبين في الموج ويدسه
ونحن نقابلو
زي طفلين كلامم كلو بالهمسة
وزي عصفورة قلبها دابو
حنة وبالولف حسّ
***
اي عيون بتتقبل
الا عنيك ما بتتفات
في عنيك بتوه
كيفن حلاوة البسمة في القاسيات
وعطر الصندل المستني
يفرح بيك فرحتو جات
وحاتك خلي منو شوية
عشان يتكاحلن منو السمحات
***
بلاك النجمة لا بتتعلا
لا بتتدلاّ فوقه هلال
عليك الريده طلي علينا
يالختينا فيك آمال
تجينا فرح ترفرفي فوقنا
نستناك بالموال
والشوق بيني وبينك انتي
زي ما تقول مطر اهطال
-------------------------------------------------------
الابيض ضميرك
وعشت واتهيا لحبها كل ايامي وحناني
ابتساماتك عزيزه بحرق الاهات عشانا
وكنت شايك في عيوني تاني ليه ارفع مكان
بس لقيتك وانت جاي تظلم الحب بالمهانا
الدموع السايله مني ياما سالت حرقتني
والظنون الحارقه قلبي كمشقتي وارهقتني
انا كنت بجني شقاي محنه
انا انسي المي انطوتني
ياما عنيك اختدال للماسي كنسقتني
انت يالابيض ضميرك
صافي زي قلب الرضيع
في كلامك في ابتسامك
احلي من من زهر الربيع
--------------------------------------------------------
الذكريات
رحت فى حالك نسيتنى واعتبرت الماضى فات .
لما انت انت خلاص جفيتنى ليه بتحكى زكريات
لما تحكى زكرياتنا...كنت تحكيها بامانه..
كيف بدت كيف انتهت تبددت وفات اوانا..
وكيف امانيني الجميله هلت الاهات مكانا.
وكفايه اشوفك فى خيالى
زكرياتنا المهما كانت بردو ترديده فيها اللم..
ليه بديت انت الفراق وانت عرفو كيف بندم
رميتنى فى نيران صدودك..
تانى ما هصدق عهودك..
انا بحاول انسى ريدك انسى ريدك وانسى ماضى زكرياتنا
-----------------------------------------------------------------
العيون الحلوه
علمتنى معنى الحياة يا ابو العيون الحلوة
علمتنى معنى الحياة يا ابو العيون الحلوة
عرفتنى سحر الجمال وين منبعو
سمعتنى نغموالجميل ما اروعو
شوفنا النجوم فى سناياك بيلمعو
لحظات واشراقالجمال ودعو
يا ابو العيونالحلوة
عرفتنى اهوى الجمال واقدسو
وأيقظ مشاعر عليه لو كان نسو
حب الجمال زى الهوى البتنفسو
لكن بخاف من العيون لو كان نسو
يا ابو العيون الحلوة
يا آية من صور الجمال المشرقة
يا حزوة من نار الغرام المحرقة
يا نجمةفى طول الليالى مؤلقة
وقلبى الرهيف بى علاك لمن ارتقى
---------------------------------------------
الليمونه
الزول البندوره الليمونة الليلة يا مانعني من زوره
أمونة لامن جات..الليمونة الليلة يا..
لابسة القلوب عاجات..الليمونة الليلة يا
البضوي في الساحات فايته البنات درجات
فايته البنات درجات ..درجات في الهيبة والنوره
الزول البندوره الليمونة الليلة يا مانعني من زوره
يابت خيار الناس الليمونة الليلة يا
هيبة وخيول ونحاس ..الليمونة الليلة يا
أمونة كاملة خلاص من القديم للراس
للراس ..النايمة في خدوره
الزول البندوره الليمونة الليلة يا مانعني من زوره
طير ياحمام بي فوق ودي السلام بي زوق
قوليها ليك معشوق ماكلاهو نار الشوق
ماكلاهو نار الشوق جنحينو مكسوره
الزول البندوره الليمونة الليلة يا مانعني من زوره
ماشفت كيف يا خي .. فرع الاراك الني
ده الدابو تابي جدي ... ما حس يوم بالغي
والشوفتو محجورة ..
الزولة البندورة
عشان حجبوك مني ...... انا زدت في جني
في ناري مستني .... راجييك تطمني
الليله لو حتى بالصوره
اللة لبندوره الليمونه ..ما نعني ما نزوره
----------------------------------------------------
المنديل
خلت قلبي يحن ويميل
حرير أبيض مشغول بي قطيفة
صورة قلب وسهم نحيل
انت جميل والجابك لي ملاك وجميل
يا منديل ..يا منديل
هدية من ايدك مقبولة
معناها اني على بالك
ونعيد الأيام الأولى نتأمل حسنك وجمالك
انت جميل والجابك لي ملاك و جميل
يا منديل ..يا منديل
يا منديل محبوبى الغالى .. يا معطر ياسمين وروايح
تسلم ايدو وزوقو العالى ... رقة طبعوا وقلبوا الهادى
لما اعاتبو يداري دموعو بالمنديل
لما أغازلو يداري الفرحة ..الفرحة ..الفرحة بالمنديل
لما اسافر حبيبى يشاور
يوادع ...بالمنديل
---------------------------------------------------------
الموعد
أشوفك بكرة فى الموعد
تصور روعة المشهد
أنام الليل أنا لا يمكن
أساهر و النجوم تشهد
وعدتك قبل كده مرات
ولسه برؤيتك بحلم
مشاكل الدنيا تجبرنى .
أخالف وعدى و أتلوم
ولوتعرفنى تعرفنى كم
بتعب بعيد عنك وأتألم
أضيع أتمنى لو أقدر
وأقول ياريتنى اتعشم
أشوفك بكرة فى الموعد
أطاوعك يا ارداة الحب
وأسلم ليك ما عندى
أفضى ظروفى وأتفرغ
وأبادر بكرة فى و عدى
ويا يوم بكرة ما تسرع
تخفف لى نار وجدى
حنانك شوفنى مستنى
معاى أشواقى ما وحدى
أشووفك بكرة فى الموعد
أمانة الصبر ما طيب
مصير مكتوب
وكان لازم نحب
نعشق ونجرب نلاقي السهد
وداعا يا ظلام الهم
على أبوابنا ما تعتب
ومرحب يا صباح الحب
تعال ما تبتعد . . . قرب
-------------------------------------------------------
قصه ريدا بين اتنين بين مسلم و مسيحيه
قصه ريده بين اتنين بين مسلم ومسيحيه
احلف ليها بالاسلام وتحلف بالمسيحيه
ولي عقيده مابتنفات وديني كمان عزيز ليه
الا الريده مابتعرف قيود واديان سماويه
تدخل في قلوب الناس زي افراح ربيعيه
انا شاب اسمر من السودان اصيل وقبيلتي جعليه
حفيد ناس ملو التاريخ قصص وامجاد بطوليه
في اقصى الشمال شبيت هناك في قريه عاديه
اصلي واصوم واهدي الناس وجيت من اسره دينيه
صدري عريض قدر تربال وكلو سماتي ريفيه
عندي خشونه في صوتي كمان معروفه ايديه
اجي والقاك بلا ميعاد زمامي
انتي مابتخلفي عن ناسنا الهناك في قريه عاديه
وفيها النيل وفيه نخيل وساقيه تنوح وطوريه
عينيك زي بنات بلدي وافراحك طفوليه
وبس لكن خدر عينيك واحنا عيونا خمريه
وصوتك انتي لما يلوح صوت ازان وقمريه
وفي خديك زهور نايرات مفتحه منقه هنديه
سالتني عن السودان والخدره الطبيعيه
عن الابنوس وسن الفيل وغابات استوائيه
قالو ليك اسود ناسنا بياكلو الميته والحيه
انتي جيتي تحققي الرؤيا تشوفي ادله مرئيه
سريعك مازجت روحنا فاضت ريد وحنيه
اتبادلنا بالاحضان ودبتي هوا وغرام فيه
اتفارقنا من يوم داك ومااتواعدنا بالجيه
خفت الناس يشوفوني يقولو بحب مسيحيه
ويسمعو ناسنا بالقصه قصه حب مسيحيه
----------------------------------------------------------------------
الله لون يا لون
الله لون يا لون
لونا يا لو لونا
تينالو تيارا.... في الغرب تيارات (تيار مائي) وهو قصده هنا على يمينه بس (تينا) معناها الغرب
متالوج ليانا.... في الشرق لين(طين ) وقصده على شماله
جاسكلوب موج موجا.... وفي النص امواج كتير
سِكري كاتويا.... ازاي حقدر اعدي لك
وينجي ويكا ناري....انا شايف نجمه
ادين جوبال ناري.....اهيه قصادي شايفها
وايا جوري فامي.... عقبال ما اقوم اروح لها
وينجي را وايونا.....النجمة كانت اختفت
الله لون يا لون
لونا يا لو لونا
الله لون يالون
لونا يا لو لونا
ساحة النقاش