في انتظارك
=======
في انتظارك ياحبيبي
ترجعلي رغم البعاد
جوايا حزن كاويني
من بعدك يازين العباد
بكتم في قلبي حنيني
حتي عيوني نزفت رماد
محتاجالك ترجعلي تاني
تداوي فيا الجراح
عشقي ليك وحناني
جوة قلبي رغم النواح
بتعدي عليا ساعات
بفكر في كل كلمة
كنا بنقولها من سكات
نسيت يعني ايه ضحكة
ولمين اضحك وذكريات
عايشاهاوسط حيطان
مع صرخة الم ويا اهات
حبي ليك هو الامان
اللي ضاع من بعد سفرك
ارجع ليا ذي زمان
وامسح دمعي من نار هجرك
دنا اتحديت الكل عشانك
وبموت دايما وانت بتبعد
حبيبي ارجع ليا وقرب
وانسي كل الهم معايا
دا انت وجودك اقرب
ليا من نفسي قبل هوايا
ارحم قلبي وبطل تتعب
دا انت وجودك هو منايا
في انتظارك ياحبيبي
ترجعلي رغم البعاد
جوايا حزن كاويني
من بعدك يازين العباد
*_*_*_*_*_*_*_*_*_
محمدالباز
2/2/2016