كلامنا النهارده هيكون عن إزاي إننا نختار كارت الفرح....


*




اختيار كارت الفرح بعد حجز القاعة

المفروض إن العريس والعروسة بعد ما يحددوا مكان الفرح ومعاده يبدأوا على طول إنهم يختاروا كارت الفرح وده لازم يكون قبل معاد الفرح بوقت كبير وليكن مثلا بشهرين علشان يكون عندهم وقت كافي إنهم يحددوا عدد الكروت اللي هيحتاجوها وكمان علشان يقدروا إنهم يختاروا الشكل اللي عايزينه ويكون فيه وقت كافي أن الشكل ده يتنفذ زي ما هما عايزين بالضبط خصوصا لو كان العريس والعروسة عايزين شكل معين هياخد وقت في تنفيذه...


ويا ريت بعد ما يحددوا عدد الكروت اللي عايزينها أنهم يضيفوا على عدد الكروت دي حوالي 20 كارت تاني زيادة وده تحسُّبا لأي ظروف طارئة ممكن إنها تحصل فجأة زي مثلا نسيان أي شخص وافتكاره فجأة أو علشان العريس والعروسة يحتفظوا بمجموعة من الكروت دي عندهم في البيت على سبيل الذكرى.

وعلى فكرة لازم العروسين يطلبوا مشاهدة بروفة للكروت قبل تنفيذ باقي الكروت وده للتأكد إن كل البيانات المكتوبة على الكارت صحيحة ومفيش فيها أي خطأ.

لكارت الفرح تصميمات كتيرة قوي






*



دلوقتي بقى فيه تصميمات كتيرة قوي لكارت الفرح ومابقاش الموضوع مقتصر فقط على الكارت الكرتون وطبعا اختيار التصميم بيقف على ذوق العروسين وإمكانياتهم المادية...


الكارت التقليدي لسه محتفظ بجماله

الشكل ده من الكروت هو المفضل واللي منتشر قوي؛ وده لأنه مش مكلف بالإضافة إلى وجود تصميمات كتيرة ممكن أنها تتعمل منه فهنلاقي مثلا..

الشكل العادي للكارت الكرتون



















*



















الكارت الصغير اللي في حجم الجيب



*


















الكارت الكرتون الملفوف على شكل رسالة والشكل ده بالذات بيوحي بالفخامة


*






















ده غير إن العروسين ممكن إنهم يضيفوا لمسات بسيطة توحي بالشياكة زي مثلا..

تزيين الكارت بشريط من التول أو الستان


*



















وضع الكارت في علبة كرتون وتزيين العلبة بشريط من الستان أو التول أو بعض الورد المجفف

*




















وفي النهاية اختيار التصميم واللون بيرجع زي ما قلنا لشخصية العروسين بس المفروض إنهم يروحوا مع بعض لمحل الكروت أو مطبعة الكروت ويختاروا الشكل واللون اللي هما عايزينه وكمان يختاروا الكلام اللي هما عايزينه يتكتب على الكارت ويطلبوا من الشخص المسئول في المحل إنه يجهز لهم العدد اللي هما عايزينه خلال مدة محددة.

الكارت القماش بيعيش بس مكلف


*


















ده شكل تاني من أشكال الكروت وده بيكون من قماش الستان وده هيحتاج من العريس والعروسة إنهم يشوفوا مصمم كروت ويقعدوا معاه علشان ينفذ لهم الشكل اللي هما عايزينه وعلى فكرة أكتر لون مستخدم في كروت الفرح الستان هو "الأوف وايت" أو "الروز".

وعلى فكرة كتابة صيغة الدعوة على الشكل ده إما إنها تكون "يدوية" بإيد خطاط ودي طبعا مكلفة جدا وبتاخد وقت كتير أو بتكون بـ "السلك سكرين" وده نوع من أنواع الطباعة اليدوية الخاصة بالأقمشة ودي بتدي فخامة لشكل الكارت.

وعلى الرغم إن النوع ده من الكروت مكلف إلا أنه بيعيش لفترات طويلة جدا وممكن العروسة تحتفظ بكارت من الكروت دي لنفسها وتعمل له "فريم" وتحطه في غرفة الصالون أو المعيشة كقطعة إكسسوار.



*





ده شكل جديد من أشكال الكروت وده بيحتاج إن العريس يروح لمحل زجاج يكون معروف إنه بيعمل الموضوع ده ويطلب إنه يقطع له قطع زجاج على شكل مربع أو مثلث أو مستطيل ويكتب له على الزجاج صيغة الدعوة..

والشكل ده جديد جدا بس بيحتاج من العريس مجهود شوية في إنه يتابع مع صاحب المحل أو الورشة دي أولا بأول وبرضه الشكل ده تكلفته عالية..

كارت CD جديد روش ومش مكلف

*