معاناة موظف

يا بيه دا أنا موظف حكومى . اقولك ولا الماهيه دا حتى الماهيه مش اللى هيه مش مكفيه فى بيتى ولا لما أعيا.أنا والمدام والعيال جنمب الطبليه قدامنا فول وقوطه وحته جبنه وكوز ميه. يا بييه دا أنا موظف حكومى.

يا بيه دا أنا موظف حكومى اقلك ولا الماهيه داحتى الماهيه مش اللى هيه مش مكفيه فى بيتى ولا لما أعيا.ولا لما اقبضيجولى العيال ويقولولى يا بابا أديك لسه قابض ويعدولى عجله واسكوتر لبس عيد وكمبيوتر.. وأنا.. ولاااا.. هنا بصفر واتامل يقولوا يا بابا رحت فين اقول معلش سرحت قولوا تانى مفيش مشكله بالنسبالى !! يا بيه دا أنا موظف حكومى اقلك ولا الماهيه داحتى الماهيه مش اللى هيه مش مكفيه فى بيتى ولا لما أعيا هنرجع تانى للكلام الاولانى واقولك شوف ياسيدى عيالى يعدولى طلباتهم من تانى وتدخلفى قلبى سهم او رمح مسنون عشانى وده كله ليه لانى مش عارف احقق الامانى.. يا بيه دا أنا موظف حكومى.

يا بيه دا أنا موظف حكومى اقلك ولا الماهيه داحتى الماهيه مش اللى هيه مش مكفيه فى بيتى ولا لما أعيا ولما اعى واروح الانعاش وتيجى تزورنى المدام الدكتور يقول الف وميه مفيش فصال ده تمن العمليه ونسبه نجاحها واحد فى الميه(1%) !!

تقوم ترد المدام تقول مش فى الانعاش يعنى يا عاش يا معاش والفلوس.. اولى بيها انا والعيال!! ده حتى من وراه نلاقى ظهر سناد بعد وفاة جوزى أبو عيالى اللى فى الانعاش.. وعينها تيجى عليا عشان تقولى معلش يا جوزى يا بعلى يا أبو العيال يعنى مش شايف الأزمه الاقتصاديه والغلاء وكمان فواتير والميه والنور والتليفون والغاز. يا بيه دا أنا موظف حكومى وحيلى انهد خلاص.. وأكيد بعد ما استريح فى قبرى مراتى والعيال ناويين يشتروا بالميراث

بلاص يكسروهم ورايا وخلاص. ويا بيه دا أنا موظف حكومى وحيلى انهد خلاص.

بقلم/بلقيس صلاح الدين