بسم الله الرحمن الرحيم
السؤال الاول
أن لدي شقة فارغة فهل يمكن أن أربي الأرانب في أحد غرف تلك الشقة .. وهل بول الأرانب له تأثير علي السقف - السطح - كما نسمع من الناس ؟؟!! وهل يمكن فعل ذلك دون الاحتياج إلي بطاريات - توفيرا للتكلفة - ؟؟!!
*بالنسبة للشقة الفارغة انت فعلا تقدر تربى فيها عادى من غير اى مشاكل
*بول الارانب يشبة ماء النار، فعلا هو بيقصر على الاسقف والارضيات ويسبب تاكلها بس دة طبعا بعد مدة.
*موضوع التربية من غير بطاريات ينفع بس دة حيكلفك اكتر ماتربى فى بطاريات اوضحلك الزاى الارنب ياكل فى اليوم حولى 300 جرام علف دة وهو داخل البطارية وقفص البطارية بيبقى صغير مبيبقاش فية مساحة للحركة وفقد طاقة اما اذا انت ربيت فى الارض الارنب حيبقى ادامة فرصة للحركة وبالتالى حيستهلك الطاقة الى فى جسمة وحيجوع وحياخد كميات علف اكتر ممكن توصل للضعف واكتر كمان مشكلة تانية ممكن تقبلك لما تربى على الارضية هى زرق الارانب دة ممكن ينقل امراض للارانب ويسببلها كوكسيديا و دة مرض ممكن يموت الارانب.
فا انا انصحك تربى فى البطاريات اضمن ليك .
السؤال التانى
هل يوجد أغذية أخري غير البرسيم - خصوصا لمن هم في مثلي الذين يسكنون في المدن ويصعب عليهم الحصول علي برسيم- .. فهل توجد أغذية بديلة عن البرسيم ؟؟!!
*طبعا فى اغذية غير البرسم العلف وعلى فكرة انت متقدرش تغذى الارانب على البرسيم لسببين
الاول ان البرسيم دة فية مواد سامة (بالنسبة للارانب) ثانيا ان البرسيم دة مش عليقة انتاجية بمعنى ان الارنب ميكلهوش علشان ينتج لحم.
ونصيحة اوعى تستخدم البرسم فى تغذية الارانب.
السؤال الثالث
وكم يبلغ ثمن كلا من الذكر والانثي - التي يستطعان الانتاج - عند الشراء ؟؟!!
* ثمن الذكر فى مدى من 80-110 جنية وكذلك الانثى وعلى فكرة السعر بيختلف من المكان الى انت بتشترى منة.
السؤال الرابع
و بكم تنصحني أن أقتني من العدد عند بداية هذا المشروع - مع ملاحظة أني ليس لديي أدني فكرة عن تربية الارانب ؟؟!
انصحك انك تبتدى ب 4 اناث وذكر واحد يعنى بطارية واحدة و متحولش تزود عن كدة لان انت تفتقد الخبرة اخى العزيز وعلى فكرة البطارية دى حدخلك دخل شهرى 400 جنية . ودة طبعا بعد 3 شهور من البداية
السؤال الخامس
نسمع كثيرا بأن الارانب شديدة الحساسية بالحسد .. وأنه عندما يشاهدها بعض الناس الأغراب فأن ذلك له تأثير سلبي علي حياتهم ؟؟!!
* الموضوع مش بيبقى حسد هو اة الحسد موجود بس الموضوع للارانب بيبقى غير كدة الارانب بتتعود على الشخص الى بيدخلها على طول ويحطلها الاكل وكدة فلما حد جديد بيدخل عليهم بيخافو وممكن ميكلوش لو حسوا ان الجو مش امان.
فى سؤال مهم انت نسيت تسئلة
اية السلالة الى انت تبتدى بيها؟؟!! اقولك ياسيدى احسن سلالة تدى معاك اانتاج هى سلالة النيوزلاندى الابيض.
أتمنى ان ينال إعجابكم.
ساحة النقاش