المركز الثانى مكرر سلمى فؤاد مصر عن قصيدة سيجارة
سيجارة
الدنيا سيجاره بتحرقها
وبتفنى وجودها بولاعه
او شجرة بتدبل اوراقها
ودقايق عمرك متباعه
اخبارك مش وهم جرايد
ولا قلبك فالشوق بيزايد
وديانا عشان حبت فايد
اتزاحت م الدنيا ف ساعه
اللى انت بترفض تحكيله
بتسيبله الحزن يغنيله
وان جالك يشكى ف يوم ويله
بتعلق بعدك شماعه
مبقتش بشوفك ولا احسك
ايام بتفوت تكشف غشك
الفرقه اترسمت على وشك
وكرهت الحب وأتباعه
