المركز العاشر مكرر طارق يوسف السيد سعد مصر عن قصيدة محبة فى النبى
محبة فى النبى
***
سايق عليك النبى تفتح
لى باب ما عليه بواب
أنا نفسى أزورك يانبى
وآجى أبوس الأعتاب
ده حبك فى قلبى يانبى
بتنفتح له كل الأبواب
ويوم ما أزورك يانبى
يبقى الحب له كل ثواب
آجى أصلى يانبى راجى
غفران رب كريم تواب
الأصل فى الحب نية وإنى
أبقى عمرى مع الأحباب
عليك ألف صلاة وزين
يازين قلبى و الأرباب
محبة على يانبى على
إيدك أتوب من الأذناب
سايق عليك النبى يانبى
تكون رفيقى على الأعتاب
أنا نفسى أجيلك يانبى وأمرغ
وشى فى التراب قدام الباب
لجل تكون شفيعى فى محبتك
ومحبته سبحانه رب الأرباب
المحبة فى الزين صلاة وأنا
أصلى عليك وله فى المحراب
سايق عليك المحبة يانبى
تنجينا من النار والعتاب
ولجل النبى يانبى ولخاطر
أمتك يرحمنا من العذاب
مكتوب علينا ولينا يانبى
تكون شفيعنا يوم الحساب
ربى جعلك شفيع وحبيب
سبحانه خالق الأسباب
يارب تقبل صلاتى عليه
وأنا إيدى فى السحاب