قالولى قول عن الحب وعرف معانيه ....
أصل اللى يقدر يوصفه بس اللى عايش فيه ...
بيبقى شايف كل شىء جميل فى عنيه ...
قولت الحب آه يا عينى عليه .....
الحب بيسعد اللى فى قلبه مخليه ...
واللى بيقوم يسأل ويدور عليه ....
تحسه فى كلمه فى بسمه فى احساس جميل ...
الحب من نظره القلوب له بتميل ....
بالحب تحس انك ملك عايش فى اساطير ...
الحب بيه تزول كل الآهات .....
راحه شىء بديع مش بس كليمات ...
كلام حبيبك فى ودنك كانه نغمات ....
بالحب أى خلاف بينكم خلاص عدى وفات ....
الحب أنك تعيش فى وجدان حبيبك ...
وتدعى من ربنا يكون هو قسمتك ونصيبك ...
وسهم حبه فى قلبك يا سيدى يصيبك ...
بالحب تحس أنك ملكت الكون ...
وتعيش دور ليلى وانت دور المجنون ...
وفى عنيك تشيلها وتغمض عليها الجفون ...
الحب مفيش وصف يوصفه ...
كل واحد على هواه بيكيفه ...
فيه اللى شايفه انه الدنيا بحالها ...
وعايش أيامها بعرضها وبطولها ...
يتهنى بحسنها وجمالها ...
مش ده وصف الحب بكل معانيه ..
مهما نقول أكيد كلامنا مش كفايه عليه ...
يالا نعيش أيامه ولياليه ....