مصررجعت
مصررجعت تاني لينا
من ايدين الغاصبين
راح ناخدها بين ايدينا
راح نشيلها في العينين
ونقولها حقك علينا
ونراضيها بكلمتين
احنا اللي عليها جانينا
كنا فيها مفرطين
بعنا ليها ما اشترينا
لما خدها الخاطفين
ذلوا فيها قدام عنينا
وأكتفينا بالانين
كل اللي عملناه بكينا
وأشتكينا من السنين
لما للرحمن داعينا
أستجاب للمظلومين
رجع مصر تاني لينا
وأنتقم م الغاصبين
لما راد ينعم علينا
ويخلينا منصورين
اللي فات كان درس لينا
واحنا ليه مستوعبين
مصر مش هتهون علينا
نسيبها تاني لموتورين
م النهاردة احنا ابتدينا
نمحي للماضي الحزين
للجميع أهه نادينا
مصر محتاجة الايدين
مدوا ايدكم يلا لينا
ربنا هو المعين
بالتعب أحنا ارتضينا
عشان يعيش المحرومين
ومهما هتعاني عنينا
بنعاهدها مكملين
مصررجعت تاني لينا
من ايدين الغاصبين
كلمات
اسر فاروق طرباي