‏‎‎‏

سلامتك
يا أمتنا العربية
كله كلام في كلام

دش كلام
دش كلام
كل واحد
يهز طوله
يرمي كلام
لاهو عارف
منين جايب الكلام
ولا هم فاهم
الكلام
أهو بيقول الكلام
زي ماتيجي
ماهو كله دش كلام
واحنا ياعرب
ماعندنا الا الكلام
شيشة و قعدة حظ وساعة الحظ ما تتعوضش
وسيجارتين
وهاتك ياكلام
ويتشد واحد في القعدة
يشد النفس
بطلوع الروح
ماهو اصلا
مقطوع الروح
بس
في الكلام
ياسلام
ماهو الكلام ببلاش
وماحدش فاهم حاجة
وعامل نفسه
أبو العريف
ولا هو بيّمز ايده
من قفاه
وكله واخده علي عماه
وأهو دش كلام
دش كلام
وصداع
والكل بيفتي ويتشد وينشد ويقول
عارفين ايه اللي حصل امبارح
دا هو اللي بيقول
ماهو دلوقت عامل
قعر المجلس وعامل مجلس
للهجس والانفاس
وسلامتك ياأمتنا العربية