‏‏

يا اللى انت مخلوق
من شوية نور فى نور
عرفت انك معجزة
وانه ما حدش يشبهك
اجى ارسمك برسم خلود
ياللى ابتسامتك ضيها
نورلى عتمة دنيتى
امنت انك شى بديع
لية كل فنان يرسمك
رمز الحياة
لية كل ما اجى اكلمك
بلقاك كده واقف بعيد
وكل ما اجى امسكك
بمسك خيال
مقدرتش اوصل مرة ليك
منظر بديع فوق فى السما
كل اللى شافك يوصفك
بشكل تاني مختلف
طب قولى لية
فية اللى شافك مبتسم
وفية اللى شاف فيك الدموع
ياللى انت مخلوق
من شوية نور فى نور
لية اللى حبوا
شبهوا بيك الحبيب
كل اللى حب بجد قال
حبيبتى قال زاى القمر
حتى اللى غنى قال قمر
عرفت انك معجزة
طب حد ممكن يشبهك
انت الحقيقة فى دنيا مليانة بخيال
كل اللى حب وقلبه مليان بالغرام
بيشوف حبيبته قال قمر
ورسم لها نجمة وسحاب
سكنها جنبك يا قمر
بالذمة عدل لو شبهوا بيك البشر
عرفت انك معجزة
منظر بديع
وحكاية دايما تتحكى
وساعات ابص اشوف وجع
وقلب جواك يترعش
واقف ضعيف مهزوم
ومفطور م الدموع
على قلب كان جنبه ومات
والذكريات بتكلمه
بتقوله كان زى القمر
فيك كبرياء وسط الخشوع
وعينى تلمح فيك بشر
من كل صنف وكل لون
بالذمة حد يشبهك
يا اللى انت مخلوق
من شوية نور فى نور
عرفت انك معجزة
==============
بقلمى ايمان