لخبط حروفك كلها وإرمي القلم
واكتب حكايتك للزمن
حبة الم
مكتوبة من قبل الميلاد
لخبط حروف الحلم
واتهجى الكلام
هى الحكاية معضلة
ابدا اكيد
كل الحكاية ان انتى قلبك
شى فريد
بعيش ليالى الحلم
ويعدى الجروح
ويرسم الاحلام فى زمن المعجزات
لخبط حروفك كلها وإرمي القلم
يا حرف راشق في الصميم
انزف الم انزف حنين
على صمت باقى من انين
نفسى فى مدد
لحلم يصحى ويتولد
تانى من جديد
ومابين وبين البين بكاء
والقلب م الوجع اشتكى
رافض الوجع فى القلب لية
مرة يكن
اهمد ياحزن وسيب ايدية
خلينى اعيش
واكتب وارسم بالقلم
حلمى الجديد
وببص من شباك امل
على حلم وقف من بعيد
بيمسح الاحزان
ويجيب معه نهار جديد
واساقى الزهور بدميعتى
يمكن تنور دنيتى
واستنى حبة امنيات
واعيش فى زمن المعجزات
يمكن القى فرحيتى
والغبط بكرة فى امبارح
واخبط كف على كف
واقول يمكن القى النور
فى حلم فى الفضاء الواسع