لو عاش الحب
____________
اللى بينى وبينك سما مجمعانا بالخيال
تكسر الحدود مابينا تعدى بينا المُحــال
تنزل الأراضى تلقى قلب راضى بالسؤال
وقلب رافضه لأنه مشدود لأرضه بالحبال
صعبة الحياة
رغم كل قيد حديد علّم فى قلبى بانكماش
رغم إنه ف الكون وحيد الوليف لسه مجاش
أما شافك حلف بإنه قبل منك عمره معاش
رغم طيفك زى حلمه قلبى رد وقال بلاش
هتجنى آه
الحببيب يتمنى كلمه عايش بس على رضاه
بيعاند له كل قسمه تحلى الحياة له و معــاه
قلبى خَدنى ورجع عاندنى وطالبنى إنى إنساه
فينه الحب اللى بيعيش رغم مرارة الحياة
جرحه أذاه
