‏‏

المـــــوت
~ْ~ْ~ْ~ْ~ْ~

مش كل حد يموت ..
نحزن على فراقه ..
ده الورد ويا التوت ..
فــ حضن أوراقه ..
هجر القصور وبيوت ..
وبيت م التراب راقه ..

مش كل موت دمعة ..
في موت ب 100 شمعة ..
وموت ف نبض حياة ..
خطاويها مش راجعة ..
وموت ف حضن قلوب ..
أوجاعنا مش سامعة ..

ست البنات فاقت ..
كل الوشوش واحدة ..
زلا عادش شاطر حسن ..
وقلوبه متواحدة ,,
كل الحكاوي طريق ..
بس الحياة باعدة ..

إيه يعني مرة أموت ..
وأحضن بقلبي خضار ..
مــ أنا كل لحظة بموت ..
ليلي مالهش نهار ..
عشت الممات فــ سكوت ..
والليل خدته قرار