‎‏

كلهم كدابين
كلهم كدابين
حتي اللي راحوا
واللي كمان جايين
وهمونا ..
ببكرة احلي
والاحلي
بتبقي وحله
والوحله تشد
وحله
والمرار بيكتر ...
بقي مرارين
كلهم كدابين

كان شعب ابن نكته
بيضحك من همومه
دلوقتي ضاع امانه
وكمان بيبيع هدومه
مش حاسس بانبساط
ومقضيها اعتباط
مستني المعجزات
وفي الضهر شاف نجومه
يا جهابذه يا اساتذه
يا بتوع المفهموميه
هي الثورة ديا
كانت ليك لوحدك
ولا ماكنتش ليا
انا اللي كنت جنبك
وشربت من ايديا
قسمتوا التورته بينكم
قولولي نصيبي فين ؟!!!
كلكم كدابين