‏اسر فاروق‏

زينة بتلعب

زينة بتلعب زي أحواتها
خدها الديب وقتل براءتها
وطلع بيها الدور السابع
اللي ما يملك قلب حدفها
ماتت زينة وحلمها راح
حلف الليل ما يجيش بصباح
راحت هي عند الشهدا
قابلوا جمالها بالافراح
باتت مصر بحالها بتبكي
حال الاتنين من بعض يبكي
اللي بيحصل شيء مش عادي
بس لامتي هتفضل تشكي
قوموا بينا يلا نصالح زينة
ونسرع في الكون خطاوينا
ونعلي لبلدنا ونعلي
ونسطربالنور أسامينا
لازم نقضي علي الارهاب
ونحارب كل الاسباب
علشان تاني ما نشوف زينة
ولا همسة ولا حتي ريحاب