‏‎‎‏

إهداء إلي روح الشهيد الطفل محمد شهيد غدر الاخوان في العمرانية .. حسبنا الله و نعم الوكيل .

دمعي عليك نازل .. و الله يا قلبي عمري مهتنازل .. و إلي ضرب بالنار .. مردود عليه النار .. بالخسه ويا العار .. و الواحد القهار .. هيجبلنا حقك .. أنا إنبي لسه برئ ..صابو الرصاص بالكوم .. يا قلبي يا محروم الفرحة مخطوفه .. مكتوبلي أشوف إبني في قماشة ملفوفه .. و أكفنه بإيدي .. و الدمع ينزل سيل .. يكويني في وريدي .. يا ولدي يا كبدي ..يا حته من عيني ..مستني جنب الباب .. تيجي تدق الباب .. و إمته هتجيني .. أنا جبتلك شبسي .. و جبتلك بيبسي .. و سبتلك لعبك في مكانها و الفوانيس .. كان نفسي تبقي عريس .. أو تبقي ظابط في البوليس .. لجل ما تحميني .. و في عز عز البرد تجري تغطيني .. يا ضهري يا مكسور .. دنيا ضلام مش نور .. إمك هناك جنبك ... قاعدة علي قبرك .. يا رب صبرني و مدني بصبرك ..يا حلم حلو و روح و خلاص مهوش راجع ... سايب في قلبي جراح .. هعيش علي مواجع ... و الله يا محمد .. لأعلنها في إذاعة .. إحنا إلي فوضناه .. و إنزلنا تاني وراه .. من قلبي بصرخ أأأأأأأأأأأأأأأه .. محدتش يعزيني ... أنا إنبي طفل شهيد .. و مكانه في الجنه .. و إيده لساها منقوشة بالحنه و الدم غطاها .. بس الأجل محتوم .. يا رب إنصرني أنا عبدك المظلوم .. .. هو الي ضرب النار .. قاصد يعذبني ؟ ما اخترش غير إبني .. و يقول عليه كافر .. يا رب يا غافر .. جميع خطايا الناس .. نزل عليه غضبك .. إلي سرق فرحي .. وعد يا أحلي عريس .. لأجيلك كل خميس .. ومعايا إخواتك .. نقعد علي قبرك .. و أكتب علي قبرك .. حق الشهيد راجع