بعد كل القسوة منك
لسه برضه ف قلبى حبك
نفسى أفرح نفسى أملك
لو مكانى جوه قلبك
نفسى تاخدينى ف حضنك
بس أحس إنى جنبك
موش هأقول للحق لأ
عمرنا كله إتسرق
مهما ترمينى ظنونى
عمرى ما هأسبب قلق
نفسى لو هأبعد ألاقى
نفسى بتدارى إشتياقى
والحنين لو يوم غلبنى
بس حبك جوه باقى
نفسى نخله عند نيلك
نفسى أكون أملك دليلك
لو زعلتى ف يوم أجيلك
لو تعبتى ف يوم أشيلك
نفسى أكون قنديل ف ليلك
تمحى بيه ليلنا الطويل
لو ف يوم زعلتى منى
عمرى منك يوم ما أشيل
نفسى أزعق فيكى أنادى
نفسى أقدم لك ولادى
وإن قالوا حبك لمين
بس أقول حبى لبلادى
شوقى زايد بس ليكى
نفسى بس أبوس إيديكى
نفسى أدوس عاللى يعاديكى
موش هأعيش أبدا ذليل