_ _ الحدق يفهم ___
إلحلق داري عيوبك
قبل ما تعّيب ع الناس
ليه تكتر ذنوبك
وتعيش معدوم الإحساس

دي دنيــا هي وفانية
ملهاش عزيز ولا غالي
علشان كده إسمها دنيا
والكل سايبها وفـــاني

تقـــــوم إنت تتغر
وتمشي ف طريق الشر
وتنسي طريق الخير
ويمــوت فيك الضمير
وتعيش حياتك غدر ف غدر

قوم إلحلق نفَسك
قبل ما تهَلك نفسَك
وينتهي عمرك منك
إسمع كــــلامي
إنت لسه ع البــــر

قبل ما تعّيب ع الناس
داري عيـــــوبك الأول
خليك حسيس دي الناس
صبرها عليك مش هايطول

ومهما الـــدنيا تضحلك
ومهما تغيّــر ف شكلك
ومهما طــــــال عمرك
الموت في لحظة هاياخدك

وهاتكون في قبرك وحدك
وهتقابل ربك وهايحسبك
هناك!!!!!!
مستحيل للدنيا ترجع
هناك !!!!!
المــــال مــــا ينفع
جبته منين وصــرفته في إيه
دا السؤال وإجابتك هاتكون إيه

صّليت لــــربنا في الدنيا
ولا نسيت !!!!!
ولا ماكنتش فـاضي
تصلّي ركعتين لله
وتسجد وتّنزل
وشك في الأرض
خُوف من ربك الإله
اللي خلقك وخلق العالمين

أنا مش بأحـاسبك ولا بأعتبك
أنا خايف عليك علشان بحبك
وبأحّب كل الناس
والمـــال الحــرام
يا صاحبي كنّاس
والبركة دايما في الحلال
و إنت فعلا إبن حــــلال
ها !!!!!
ها تسمع الكــــــلام

طّيب قبل ما أقولك سلام
بكرر ليك كلامي
يا إبن النــــاس

إلحلق داري عيوبك
قبل ما تعّيب ع الناس
ليه تكتر ذنوبك
وتعيش معدوم الإحساس

دي دنيــا هي وفانية
ملهاش عـزيز ولا غـالي
علشان كده إسمها دنيا
والكل سايبها وفـــــاني
أحمد رجب