قالوا عنيكي قالوا شفايفك
قالوا كلام عن كل ما فيكي
لكن انا بمشاعري انا شايفك
اكبر من توصيفهم ليكي
قالوا عنيكي ماليها مثيل
صافية زي صفاء النيل
فيها كلام وكلام وكلام
ليها بريق والرمش جميل
قالوا عليكي انك وردة
وانك نجمة ف السما شاردة
وانك شمعة دايما ابدة
والقمرات تتمني مشاهدة
شايفك انا روح رايقة جميلة
سابحة ف بحري نسمة عليلة
وخداني للاحساس العالي
قلبك اكبر م التسبيلة
كل كلامهم تاج علي راسي
مش هيحسوا اكيد احساسي
ولا هيعيشوا في اللي انا عايشة
انتي يا روحي م الدنيا ميراثي
شعر / آسر طرباي