‏‎‎‏

بقلم ايهاب سلام
اموت وياه

منقوش الموت علي جبيني
وف يميني وف شمالي
ومنه ما حد يحميني
غير دعوة وسجدتين لله
دا ولدي وصبغته جلدي
ولو يصرخ اقول ولدي
وجسمه ولغوته بلدي
ودينه العمر كان ديني
لكنه نساه
وصوب مدفعه ف صدري
وخلي الموت يفوت بدري
ومهما اداري او اجري
منيش عارف
انا قدامه والا وراه

يا ارهابي
مش بابك طول العمر كان بابي
واصحابك طول العمر اصحابي
واحبابك طول العمر احبابي
وياما قسمنا فرحتنا وقولة آه

يا ضي العين انا النني
لو امروك هتقتلني؟
لو امروني هقول مني
ولو هيموت اموت وياه
ولو حلفولي الف يمين
علي انك من الخارجين
علي انك من الخاينين
هقول ياما اكل اكلي
وانا ياما اكلت معاه
ولو هيموت
اموت وياه
ولو هيموت
اموت وياه

بقلم ايهاب سلام