‏إيهاب يحيي أبو طه‏

وكأنك ليل
مشتاق الشمس
وكأنك ميل
يتمنى الصرخه ف لحظة همس
مواويل اشجان
والضحكة التايهة عن العنوان
بتنادى عليا بنبض الحس
مرتاح الحزن
فى قلب الفرحة
لشط ظلام
عفريت مسكون تخارف
وكلام
وكلامك سحر
بيدور جوا عيون نعسانه
بيشاور جوا هموم الرمش
يستسلم بدرى ف اول جوله
وينام بالامر
يتمنى الحلم الفضى
السابح جوا مراكب عطر
يختصر الدنيا ف لحظة غدر
لكنه مهوش غدار
مستنى الاذن
مستنى يبات الليله ويصبح
برضه ف نفس الحضن
مستنى الورد
مستنى وخايف
يطلع وهم ف نور الفجر