‏اسر فاروق‏

اللي عاش وقت الهزيمة والانكسار
داق مرار الذل وخسوف النهار
شاف عذاب وويل وحس الحصار
عصره الالم واتحرم م الانتصار
وأنكوي بنار الحزن في وسط الدمار
شال همومه ونام علي كفه
يشكي بلاه للي يوم خلقه
لما العدو جار علي حقه
وأغتصب بقوته جزء من ارضه
مرت سنين وهو علي حاله
الانتقام جواه ليله ومواله
حالف ما يستسلم يوم لاحواله
لو التمن عمره وكل امواله
مستني يوم النصر علي كل اعداؤه
وف شهر أكتوبر وكان معاه رمضان
دقت الاجراس وصاحبها صوت لادان
عليت الاصوات والكل كان فرحان
قالوا الجنود عبروا يا بركة الرحمن
وحطموا اسطورة جيش خسيس وجبان
واللي عاش الهزيمة جاب الانتصار
واتشال علي الاكتاف والحب بقي انهار
والدنيا ضحكت هنا والليل طلعله نهار
والاحتفال بالنصر بالطبل والمزمار
وف عامنا الاربعين جيشنا عظيم جبار