‏‎‏

إلحقوا مصرنا
**********
هى مصر راجعة لينا
ولا تايهة مننا

ليه سيول الدم تجرى
تملا تانى أرضنا

فهمونا مين ورانا
نفسه يفنى شعبنا

مين بيخرب جوه بيتنا
مين بيحرق قلبنا

مين بيزرع فتنة غادرة
كل يوم تهدنا

مين بيدفع للحثالة
اللى واقفة وسطنا

قالوا هو شيطان (اوباما )
أو (شيمون) عدونا

ولا خاين لسة بيننا
خان بلدنا وأهلنا

نفسه يمحى قوة باقية
هى جيشنا وأمننا

يلا نرجع إيدنا واحدة
نحمى بيها مصرنا

نعرف مين خرب عقولنا
ومين معانا ف صفنا

فوقوا قبل مابكرة نندم
مصر بتضييييييييع مننا
*****************

24/7/2013