ده ممكن بجد ؟ هعرف تانى؟ يعنى ممكن اقولها تانى؟ ياترى هتطلع ازاى؟ ياترى هيصدقها ولا لا؟ انا نسيتها بجد؟ مش فاكره ازاى اقولها؟
بحبك؟ بحبك! بحبك............
يعنى هفضل طول عمرى لوحدى؟ طيب لو قولتها هعمل ايه فى لمسه الايد؟ ونظره العين؟ والصوت ؟ والكلام؟ هبدا حياه تانيه ازاى؟ هجيب كلام تانى منين؟ انا خلصته . هعيده تانى؟ طيب لو افتكرت ونزلت دمعه منى؟ هيقدر؟ ولا هيعمل مش واخد باله؟ هيقف جنبى ولا هيزعل منى؟
هيقولى هعوضك؟ ولاهيقولى روحيله خليه ينفعك؟ طيب وانا؟ هحبه بجد وهنسى التانى؟ ولا هرجع زى الاطفال اقول انا اسفه غلطت فى احساسى؟ طيب لو كان هو كمان مش بيحبنى ؟ هتجرح تانى؟ لا لا لا خلاص قلبى خلاص مش مستحمل حتى لو كدبه صغيره . انا هبعد
بس هفضل ابعد لامتى انا بقيت لوحدى ، جنبى ناس كتير بيضحكولى ،ويكلمونى، ويساعدونى، ويحبونى بس لوحدى . بيزعلوا ويتضايقوا عشانى بس مش بيحسوا بالى جوايا . نفسى اكرهه، امحيه من زاكرتى . نفسى ابعد عن الحب وعن العالم، نفسى اكون لوحدى. مش عاوزاه يجى يقولى اسف ، ولابحبك من تانى . عاوزه انسى بس . فهل من دواء؟ هل من طبيب؟ هل من ممحاه للزاكره؟هل من حب حقيقى يساعد؟