عيون بورسعيد||بورسعيدي ‫#‏ينشر‬ هاشتاج من ‫#‏اهالي‬ بورسعيد الى ‫#‏المصييفين‬ يناشدهم ب 10 ‫#‏وصايا‬ لتعديل ‫#‏السلوك‬ ويخاطب ‫#‏فيهم‬ اخلاق ‫#‏القرية‬ للحفاظ علي ‫#‏جمال‬ شاطئ المدينة ‫#‏الباسلة‬

رانيا السادات
رابطة صفحات ومواقع بورسعيد"عيون بورسعيد"

في ظل غياب التنفيذيين ودورهم , لحل ازمة سلوك المصيفين علي شاطئ بورسعيد الامر الذي اذداد استنكاره في الاونة الاخيرة من قبل اهالي الباسلة , حيث جاءت تعليقات البعض بمقترحات لحل الازمة كان من بينها نشر تعليمات ارشادية صريحة وواضحة في صورة لافتات معلقة تحمل جمل الترحيب والترهيب في ان واحد للمصيفين بطول شاطئ بورسعيد ,الشاطئ الذي يعد من اهم شواطئ الجمهورية ولاشهرمحافظاتها , ويأتي اليه المصيفين من جميع انحاء الجمهورية .

وفي ظل هذا الغياب الذي صاحبه ايضا غياب للدور الامني المكمل لدور التنفيذيين في صميم مقترحات اهل المدينة , لخضوع شاطئ بورسعيد لورديات مراقبة امنية من قبل جهاز الشرطة وفرض جزاءات وقتية في حالات الخروج عن المألوف اوالمكتوب للتعليمات علي المصيفين بشاطئ بورسعيد .

تلك الازمة وعدم تنفيذ مقترحات لها او الاخذ بالاعتبار لحلها مع بداية الموسم الصيفي وتفاقم الصورة المزرية لشاطئ بورسعيد يوم بعد يوم تسببت في خسارة كبيرة لسمعة وصورة وشكل المحافظة وكذلك تراجع السياحة الداخلية , واصبحت صورة بورسعيد حديث الطفل الصغير قبل الكبير كما اصبحت مجال لاستدعاء السخرية التي هزت كيان المحافظة وتاريخها من داخل المحافظة وخارجها

وفي ظل كل هذا التقصير لدور المواطن والمسئول , نشر مواطن بورسعيدي يدعي سيد عوض , هاشتاج من خلال موقع التواصل الاجتماعي فيس بوك كان عنوانه , من اهالي يورسعيد الي المصيفين ,خاطب فيه اخلاق اهل القرية وتعديل سلوك جميع المصيفين ولكن اختار في كتابة تلك ال 10 وصايا اسلوب النقد الساخر ليصل للجميع دون تعقيد .

حيث قال :اعزائي المصيفين , مع حلول فصل الصيف اهلا بكم فى بلدكم الثانى بورسعيد

" ولكن !! فيه كام نقطة كده عايزين نتكلم فيها "

1- فى فرق بين الشورت و المايوه و ال (UNDERWEAR ) " ملابس داخلية "

" وانت فى الميه ممكن تلبس شورت او مايوه بس اوعى تنزل ب UNDERWEAR ! الملابس الداخلية "

"و انت فى الشارع ماينفعش تمشي لا بالمايوه و لا بال UNDERWEAR . الملابس الداخلية ,انت ماترضاش انى اجى امشي فى بلدكم ادام مراتك و اختك بال UNDERWEAR ! الملابس الداخلية "

2- "ممكن تاكل اى حاجة انت عايزها على البحر محشي , مكرونه بشاميل , سمك ! اى حاجة , بس يا ريت تنضف وراك و متقولش بتوع الشماسى بينضفوا لا نضف انت الاول ! "

3- "يا ريت و انت فى الميا ماتشيلش صاحبك ترميه , و لا ترش عليه ميا وتغرق اللى فى الشط كله , اه احنا فى بحر بس برضه مينفعش ترش على الناس مياه و تطرطش على مخاليق ربنا ! "

4- " ماتجريش ورا صاحبك بين الشمسيات "

5- " بفكرك تانى برقم 4"

" - 6و انت بتعدى الشارع يا ريت يعنى تشوف اشارة تعدى منها عشان ماتوقفش الطريق ! "

7- " احنا فى بورسعيد بطلنا نعاكس لو لقيت بنت ماشيه فى حالها ماتعاكسهاش , و هتلاقى بنات حاطة احمر و اصفر و ازرق و لابسين باديهات رخيصه ب سته جنيه , دول مش بورسعيدية دول بنات ... جايين بورسعيد ياكلوا عيش , ماتعاكسهمش برضه عشان هيتنصب عليك "

8- " لو ابنك او بنتك عنده سنتين و عايز تنزله الميا , لبسوا حاجة , ماينفعش ينزل ملط ! عيب كده , لو انت مسلم ده مايرضيش ربنا , و لو انت مسيحي فده مايرضيش الرب , و لو انت ملحد ماتخليناش نخسر ديننا عليك "

9- " خلى بالك عشان هتلاقى ناس كتير بتليفونات بتصور , هما مش بيصورا بعض , هما بيصوروك انت لو عملت حاجة من اللى قولنهاهم فوق دول , و انت مترضاش صورك تنزل على النت ! لان في النهاية لو المسئول مجبش حق بلدهم وحقهم , فالبورسعيدية عمرهم ماهيسكتوا وهيقوموا بدورهم تجاه جمال مدينتهم اللي شوهوا غيرهم بسلوكهم وجهلهم "

10 – " اقرا اللى فات كمان مرة " ونتمني تنفذه .....شكرا

ونحن ايضا نتمني ان تصل رسالته للجميع ويتم تنفيذها من جميع المواطنين من داخل وخارج بورسعيد , مع الاخذ في الاعتبار تعديل مدلول الوصايا لتعليمات ارشادية بصياغة جدية كمقترح ان سعت المحافظة في تنفيذها

التغطية لعيون بورسعيد بالتعاون مع الشبكة الاعلامية رابطة عيون بورسعيد " صفحات ومواقع وجروبات " " ومواقع جريدة عيون بورسعيد جريدة جيل الثوره بورسعيد ارض الفداء @بورسعيد الباسلة