عيون بورسعيد ||بالصور ||‫#‏عمال‬ مصنع ‫#‏سنمار‬ يصرخون من ‫#‏تعسف‬ وجبروت ‫#‏الادارة_الهندية‬ بعد تعدي مدير هندي ‫#‏بحرق‬ وجه ‫#‏فني_مصري‬ بالماء ‫#‏المغلي‬ , ويستغيثون ‫#‏بالمسئولين‬ " الحقونا ‫#‏الهنود‬ يايذلونا ‫#‏يايحرقونا‬ "

رانيا السادات
رابطة صفحات ومواقع بورسعيد"عيون بورسعيد"

طالب المئات من عمال مصنع سنمار للكيماويات تدخل عاجل وسريع من محافظ بورسعيد ومكتب العمل بالقوي العاملة لايجاد حل للتعسف الاداري والاضطهاد الجماعي الذي يتعرض له العمال بشكل يومي وعلي مدار اعوام من قبل الادارة الهندية للمصنع واحيانا للبلطجة وفقا لما وصفوه , كان اخر تلك الاعتداءات صباح امس الاحد بعد تعرض مدير هندي الجنسية يدعي براديب جوبتا , لفني مصري يدعي " عم جمال " حيث قام المدير الهندي بحرق وجه الفني وساقه بماء مغلي في واقعة استنكرها جميع العمال داخل المصنع .

من جانبهم طالب اعضاء النقابة العمالية صمت " عم جمال " بعد واقعة التعدي عليه بماء مغلي وسكبه علي وججه وساقه من قبل الهندي لتمكنهم من الحفاظ علي حقوقه كاملة , وعلي الفور قاموا بطلب شرطة النجدة وتكليف شرطة قسم الجنوب بالقبض عليه وتم القبض عليه من مقر المصنع .

واستمرارا لسيناريوهات الظلم الذي يتعرض لها العمال مع مطلع شمس كل نهار داخل مصنع سنمار وحول واقعة التعدي علي الفني " عم جمال "

قال العمال , " براديب جوبتا المدير الهندي دخل علي الفني (عم جمال) وهو بيعمل شاي في الاوضه فطرده وزقه وهو أصلاً راجل كبير ومعروف عنه حسن الخلق، ولما ماردش عليه قلب الكاتيل وفيه ميه بتغلي علي وشه ورجليه "

وحول دعم ملاك المصنع والادارة للمدير الهندي ( براديب جوبتا ) وظلمه المستمر لهم اكد العمال " مافيش اي خلاف بين المدير الهندي وبين الراجل الغلبان الفني (عم جمال ) المدير الهندي اصلا بيشاكل دبان وشه وبيعمل كده مع كل العمال بسبب وبدون سبب ومحدش بيقدر يرد عليه ودا بيتم بالاتفاق مع الادارة كاسلوب من اساليب التطفيش عشان يزهقونا ونمشي "

وعن الاسباب التي تدفع ملاك المصنع والادارة باستخدام اساليب لتطفيش العمال ما بين اساليب تعسفية وتفرقة واضطهاد وبلطجة وتعدي كان اخرها حرق وجه فني امس روي عمال المصنع من البداية " المصنع ده اتبني علي دم وروح العمال المصريين لحد ما اشتغل وبدأ يطلع انتاج ومن يوم ما اشتغلنا واحنا اتفاقنا مع الادارة ان مرتبنا بناخد نصفه شهرياً والنصف التاني في شهر ٧ من كل سنة بشكل مجمع , ولما المصنع بدأ ينتج ويكسبوا مكاسب خياااالية بدأوا يطمعوا في حقوق العمال , وبدأوا يحاولوا يظبطوا الميزانية اننا بنخسر بالرغم من اننا بنكسب مليارات كل سنة , وبعدها بدأوا بقولوا مفيش حاجة اسمها ارباح وما عادش في حد هياخد حاجة واللي مش عاجبه بالسلامة "

واضاف العمال " من ٢٠٠٧ والادارة بتحاول تاكل حقوق العمال كل سنة بنعمل اعتصام ممكن يستمر فوق الشهر علشان نعرف ناخد حقوقنا "

وشرح العمال " بعد ماكنا بنعتصم عشان نعرف نجيب حقوقنا الادارة استخدمت نفس السيناريو اللي بيستخدموا اي مصنع لما يحب يصفي عمالة فبدأوا يخلوا المديرين الهنود يمارسوا ضغوط نفسية ومعنوية غير ضغوط الشغل المبالغ فيه علشان يزهقوا الناس فينفجروا فيغلطوا وده اللي هما عايزينه , فحاولنا ضبط النفس لاقصي درجة , فازدادت الضغوط لدرجة التعدي علينا بماء مغلي وفي الوجه وعلي رجل كبير وغلبان زي "عم جمال " يعرف عنه الجميع حسن وطيبة الخلق "

ومن جانبهم اكد العمال ان اكثر المديرين التي قامت ادارة المصنع باستخدامهم كأداة تطفيش من كثرة ظلمهم وتعسفهم الدائم بالعمال " هم اكتر اتنين مكروهين باجماع العمال جميعاً مدير يدعي (براديب جوبتا) وده اللي اتقبض عليه في واقعة التعدي علي الفني ( عم جمال ) والتاني يدعي (مورتي ) وده من اكتر الناس ظلماً في المصنع كله والهنود بيدعموه هو وجوبتا علشان بيحققوا لهم اغراضهم " التي وصفوها بالدنيئة في اضطهاد العمال

وعلق العمال علي تصرفات مورتي وبراديب المديرين الهنود " اي واحد بيروح للادارة في مشكلة مع واحد هندي عمرهم ما بينصروا مصري علي هندي أبداً مهما حصل ويحاولوا يقنعوا المصري انه هو اللي غلطان علشان يلموا الموضوع وعلشان يحافظ علي اكل عيشه "

" وعشان اكل عيشنا استحملنا كتير قوي لكن عندما يصل الامر بتهديد ارواحنا اصبح الامر صعب السكوت عنه وبنطالب تدخل سريع من المسئولين تجاهنا احنا بنتظلم علي ارضنا بسبب لقمة العيش المستثمرين بييجوا يكسبوا من ارضنا ويزلونا لازم المسئولين يحافظوا علي كرامتنا وحقوقنا دا اشبه باستعمار داخلي وعبودية مقنعة "

وانهي العمال " الهنود افتروا قوي علينا ويانستحمل الذل والاهانة يانترمي في الشارع ويتقالنا بالسلامة اين المسئولين عن تطبيق قوانين حقوق العمال والحفاظ علي كرامتهم علي ارضهم من المستثمرين الاجانب , احنا بيحصل كل دا فينا واحنا في بلدنا امال لو كنا في غربة كان حصل فينا ايه , هما دلوقتي بيحاولوا يمارسوا كل انواع الضغوط علشان يحاولوا يصفوا العمال وعلشان يخففوا مسئولياتهم , واحنا بنستغيث بالمسئولين وبنقولهم الحقونا عشان شقانا وعمرنا عاوزين ياكلوها وارواحنا الوقت في خطر ويانمشي يانتحرق في وجهنا "

التغطية لعيون بورسعيد بالتعاون مع الشبكة الاعلامية رابطة عيون بورسعيد " صفحات ومواقع وجروبات "