عيون بورسعيد |بالصور |‫#‏مواطنة‬ تصرخ يامحافظ بورسعيد انزل ‫#‏الزهور‬ وشوف مشاكلنا بنفسك " ‫#‏احنا‬ عمارت شباب ‫#‏اكتوبر‬ وشباب ‫#‏بورفؤاد‬ عايمين في ‫#‏المجاري‬ اعوام , ولا ‫#‏حياء‬ في وجه من ننادي ‫#‏للمسئولين‬ من 12 عام "

كتبت / رانيا السادات
تصوير / اخرون
رابطة صفحات ومواقع بورسعيد"عيون بورسعيد"

استغاثت مواطنة تدعي مروة ابراهيم مقيمة بعمارات شباب اكتوبر الكائنة بحي الزهور باللواء مجدي نصر الدين محافظ بورسعيد والمهندس جمال الباشا رئيس حي الزهور بعد معاناة دامت لها و لاهالي المنطقة لفترة تقرب من 12 عام من بدء انشاء وبناء عمارات شباب اكتوبر وشباب بورفؤاد

واوضحت المواطنة مروة مشكلتها ومشكلة السكان التي تكمن في غرق المنطقة بالكامل اعوام في مياه الصرف الصحي والمجاري , المشكلة التي لا تنتهي ابدا من بدء سكنهم بالعقار, وحياتهم متوقفة بسببها , وفقا لما وصفته

واشارت المواطنة مروة , الي الصور التي ارسلتها لعرض مشكلتها فقالت " الصور توضح الشارع المقابل لموقف دمياط والمفروض انه واجهة البلد للقادمين من خارجها , وهل الشارع واجهة البلد المفروض انه يغرق في المجاري كده ليل ونهار وعاوزين الناس تيجي من برا والتجار يشتغلوا وحال البلد يمشي طيب ازاي والمجاري طافحة في معظم شوار الزهور "

وسألت المواطنة مروة " اين المحافظ من هذا المشهد وطبعا اين رئيس حي الزهور شارع واجهة بلد من ناحية موقف دمياط 12 عام ولا حياة لمن تنادي من المسئولين وتقاعصهم .

واضافت مروة , علي مدار اعوام " رفض المسئولون سفلتة الشارع او اصلاح مواسير الصرف به"

وشرحت مروة , المشكلة عندنا تكمن ان قطر مواسير مجاري الصرف من بدء انشاء المنطقة صغير ولا يتحمل صرف عمارة بها 36 شقة ويقال انها " كانت في الاصل مخططة منطقة فيلات عشان كده ركبوا مواسير مجاري متوسطة الحجم وليست كبيرة" وبالتالي منظومة الصرف عندنا في الوحدات فاشلة , والنتيجة الوحيدة المعروفة هي طفح الصرف في الشوارع وامام بوابات العقارات , لكن دي مش مشكلتنا دي مشكلة المسئولين ولازم يحلوها اما يمشوا "

ونوهت مروة عن مشكلة اخري وقالت , " طبعا المجاري بتطفح في الشارع اللي هو وسيلة سهلة جدا لتجمعها لان دي مشكلة تانية الشارع اتسفلت طبقة واحدة وكان مقرر له طبقة ثانية ولم تتم السفلتة مما جعل مستوي الشارع الجانبي اقل من مستوي الرئيسي فتتجمع فيه كل مياه الامطار والمجاري بل تكون ارض خصبة ومستعدة لركود المياه واستقرارها بها اعوام "

واستنكرت مروة , في غياب المسئولين حاولنا نحل المشكلة كمواطنين نعاني اعوام من مشكلة صرف ولكن المسئولين نفسهم حاربونا بعد حل المشكلة بشكل مؤقت , فقالت " سكان ال3 عمارات المطلة علي الشارع ويعانون طيلة الوقت من نفس المشكلة ولا يستطيعون دخول العمارات تجمعوا من حوالي 6 شهور وجمعوا فلوس من بعضهم من الشقق والمحلات وقاموا بألقاء زلط صغير اسمه (سن )في الشارع بغرض رفع مستوي الشارع وامكانية المشي فيه بدل ما بنعوم في المجاري احنا واطفالنا , بعدها بحوالي شهرين جاءت سيارات الحي وجرفت الرطش بحجة انهم هيسفلتوا الشارع قريبا , " بعد فترة ساكن من السكان كان معاه رقم المهندس المسئول في الحي وكلمه كثيرا والمهندس قاله لا استطيع سفلتة الشارع وبه ماء مجاري "

وسألت مروة مرة اخري " طيب دي مشكلتنا واحنا المسئولين عنها ولا مسئوليتك كرئيس حي , اعملوا انتم اصلاحات للمجاري وطبعا مفيش حد راضي يعمل حاجة"

وصرخت مروة " اعوام والمجاري تعوق سيرنا وكله عند المسئولين عادي , اطفالنا يقعوا فيها عادي تجيبلنا المرض والوباء عادي, تمنع حد يزورنا عادي , وفي اوقات كتير تعوق نزولنا عملنا ونزول اطفالنا مدارسهم وازواجنا عملهم والمريض فينا او مسن منعرفش نشيله ولا نعدي بيه من مياه الصرف ولا مواصلات بترضي اصلا تدخلنا وحالنا زي حال كثير بيعانوا نفس المشكلة ننزل علي اول الشارع لو شايلين اكل او طلبات لمنازلنا اما يعف عليها دبان المجاري علي مانوصل لمدخل بيتنا او من كتر ماحنا شايلين وصاحب التاكس يخاف علي عربيته يدخل بيها في المجاري يسيبنا علي اول الشارع ويقع نص اللي شايلينه في المجاري وادي حالنا , اين المسئولين عنا "

وانهت مروة " لو هما كان في دماغهم اصلا يصلحوا المجاري بشكل نهائي ويسفلتوا الشارع كان الكلام ده تم من 12 سنة مش كبيرهم كل شوية يبعتوا عربية تزيح الميه وخلاص كحل مؤقت , فكل راعي مسول عن رعيته ويامحافظ بورسعيد انزل الزهور وشوف بنفسك ويارئيس حي الزهور لو مش عارف تحل مشكلة الصرف عندنا امشي وسيبها لغيرك يمكن ييجي حد يعرف يحلها ويرحمنا "

التغطية لعيون بورسعيد بالتعاون مع الشبكة الاعلامية رابطة عيون بورسعيد " صفحات ومواقع وجروبات "