عيون بورسعيد ||بالفيديو والصور والمستند - معاشات مساعدين الشرطة ,الداخلية خدتنا في شبابنا لحم ورمتنا عالمعاش عضم " بعد خدمتنا وسبنا بلادنا اكتر من 35 سنة خدمة العبد للسيد قالولنا برا "
رانيا السادات
رابطة صفحات ومواقع بورسعيد"عيون بورسعيد"
بعيدا عن الحيادية التي يجب ان يتسم بها كل صحفي كونها اولي القواعد المهنية, وماهو بعيد كل البعد عن ما هو منتشر علي الساحة الاعلامية الان من قواعد لفقدها وبغض النظر او علي حد السواء اذا كان فقدها يعود لاختيارالصحفي او عدم رغبته , لكن ! احيانا وعندما تجبر الظروف قلم الصحفي وتضعه بين قوسين عنصرية الدفاع عن حقوق اي محافظة من محافظات الجمهورية فبالتاكيد ان قلمه سينتمي لاهل القرية او المدينة او المحافظه التابع لها اذا تعرضت للظلم , وفي اوقات كثيرة يتحيز للملف الاول والشاغل بها والذي يهدد استقرارها , وخاصة اذا كانت تلك المحافظة بورسعيد والملف الاول بها " الاسكان " وطبيعة ما يحمله هذا اللملف بالتحديد من حساسية وربما عنصرية , لما تعرضت له المحافظة لاعوام مضت بتوزيع حصص اسكانها علي المقيمين داخلها من خارج بورسعيد , ولا يسع ابنائها لاعوام غير "مصمصة شفاهاهم ورؤية الظلم بعينهم " علي حد تعبير الكثيرين منهم في جميع انحاء وضواحي المحافظة .
ولكن !! عندما نقترب ونتعايش مع حكايات وقصص لأناس عاشوا وتعايشوا اعوام في بورسعيد ربما ليسوا من مواليدها وبالفعل هم كذلك , ويكتب القلم ملخص ماسمع من روايات مأساوية يعيشها البعض منهم , يتبدل الحال ويحل مكان عنصرية القلم بالتحيز لاهالي المدينة فقط او ملف بعينه اذاق المدينة كل الأرق , الي نصرة الحق ومن يشتكوا الظلم منه في اي مكان وزمان دون تحيز او عنصرية تفرق بين اي انسان .
وهذا الحال او المثال سنتعرف عليه في قصة ماساوية يرويها ويتحدث عن صعوبتها , معاشات مساعدين الشرطة , الداخلية اخدتنا في شبابنا لحم ورمتنا عالمعاش عضم , تلك الجمل بدأ بها مواطنون يحكون ماساتهم ويقيمون في 3 عمارات للسكن الاداري لاستراحات الشرطة , لمساعدين الشرطة ممتاز علي المعاش , عمارة 15 بمنطقة علي بن ابي طالب وعمارة 50 و51 بمنطقة عمر بن الخطاب والذي يفصل بينهم شارع او بمعني ادق رصيف بحي الزهور , 17 اسرة من اصل 30 خرج رب اسرتهم علي المعاش وكل عام تنضم لهم ماساة اسرة جديدة مهددة بالطرد من السكن الاداري الذي اعطته لهم مديرية الامن وقت نقلهم من القري التابعون لها الي محافظة بورسعيد محل عملهم .
يقول اسماعيل محمود جمعة مساعد شرطة ممتاز علي المعاش تم تعييني عام 76 في محافظة المنيا وتم نقلي لبورسعيد عام 2000 " وسبنا حالنا ومالنا وجينا بورسعيد عشان شغلتنا الميري واعطونا سكن اداري في استراحات الشرطة وقالولنا نسلم السكن الاداري ووبعدها هنحصل علي سكن بدون اي مشقة او متاعب "
وبالفعل هذا الامر ما طبق علي زملائنا اصحاب المعاشات اللذين سبقونا ولكن" احنا مطبقش علينا زي اللي طبق علي اللي قبلنا واتفاجئنا بارسال جواب طرد من المديرية يطالبونا نخرج من البيوت اللي قويانا وعايشين تحت سقفها ومهددين في كل لحظة والتانية اننا نترمي في الشارع اصبحنا نخاف من خبط الباب "
واضاف اسماعيل " انا رب الاسرة اعول 8 اولاد ويعيش معي ابني المتزوج وزوجته واولاده " رجعنا لمديرية الامن اللي بنتبع وزارة الداخلية قالونا ارجعوا للمحافظة اتاري اننا ملناش تمن والداخلية خدتنا في شبابنا لحم ورمتنا عالمعاش عضم "
واكمل اسماعيل " انا لا اعمل لان انا رجل عالمعاش ومريض عندي فيروس كبدي والشريان التاجي في القلب والضغط والسكر وعندي ما يفيد من اشاعات وروشتات وتقارير مستشفي "
" وزوجتي مريضة بالسكر والضغط والمعاش مش مكفي اي شئ وعامل قرض منه للعلاج الصافي 700 جنيه علي 8 افراد قسما بالله وليس لنا اي دخل اخر "
واوضح اسماعيل " حاولنا نسمع الكلام زي ما قالولنا في مديرية الامن ونتابع وروحنا المحافظة عشان نحاول نقابل المحافظ السابق وكل مانروح يطردونا وقالولنا اكتب طلب لخدمة المواطنين وكل شهر بعد اثنين بعد تلاتة وكل شهر يجيب شهر ومفيش مقابلة لمدة 7 شهور عشان نقابل المحافظ ونشرحله وضعنا معرفناش نقابله واي موظف صغير هناك يطردنا والمحافظ كان ماضيلنا علي الطلب واتبحثنا وفضلنا شهور من مكتب لمكتب ومفيش امل وكل يوم مهددين بالطرد والفزع مالينا من خبط الباب او وت عربية تابعة لقوات الامن نقول جاية تنفذ الطرد "
وتحدث اسماعيل " احنا حاليا مديرية الامن صابرة علينا لكن في اي وقت هييجوا يطردونا وقاعدين تحت رحمة ربنا وخايفين بكرة نكون في الشارع ومعدلناش حاجة في بلدنا من سنين هنروح فين ونيجي منين بالولاد والبنات العرايس دول ننزل بيهم للبلطجية ياكلوا في لحمنا " عاوزين حد يقولنا نعمل طيب ايه احنا مسنين ومفيش في ايدنا اي شئ نملكه غير عجزنا ومرضنا دلونا نعمل ايه واحنا هنعمله بس الا اننا ننزل ببناتنا العرايس لكلاب الشارع ارحمونا
ويقول ابراهيم محمد جمعة مساعة شرطة ممتاز عالمعاش مشكلتي نفس مشكلة شقيقي اسماعيل انا طلعت معاش " 16 -3 -2008 واتبحثت " ومن مديرية الامن للمحافظة عمالين يمطوحونا ويلا قحونا من هنا لهناك ولافيش فايدة "
انا كانت خدمتي في قسم الزهور خدمت 35 سنة واللي قبلنا استلموا السكن لكن احنا عايزين يطردونا وبعد 35 سنة خلاص بالنسبالهم اتلجحنا مش طلعنا معاش نتلجح برا ونطرد كمان ,
واضاف " انا باخد باخد معاشي 1000 جنيه بعمل بيه سلف وعندي 12 ولد وبنت بعول منهم 3 بنات ماتجوزوش وولدين ماتجوزوش وبصرف علي اللي متجوزين برا وبساعدهم وزوجتي مريضة , احنا مفيش حد عايز يقابلنا حاولنا المحافظ السابق مليون مرة ولا مرة منهم فلحت وبتقول يارب ينجدنا المحافظ الجديد ويكون علي ايديه الخير
وانهي جمعة الرفاعي موسي مساعد شرطة ممتاز " طلعنا علي المعاش من عامين , انا نفس المشكلة ملناش مكان نقعد فيه سؤالي لمديرية الامن عاوزين تطدردونا ليه دااحنا ولادكم نروح فين؟ , احنا بقالنا اكتر من 25 سنة وبنتي اللي من عمر السكن واتولدت هنا اتجوزت وخلفت طيب انا اروح فين في السن اللي انا فيه نروح فين , روحنا للمحامي خدوا فلوس قد كده , ولا حد بيقابلنا ولا لاقيين اي حد يسمعلنا , بعد خدمتنا للداخلية اكتر من 35 سنة خدمة صعبة وفي النهاية يقولولنا دي استراحة شرطة وانتم برا , وعيل صغير في المحافظة يقولنا برا , هنقول ايه غير ان شغلتنا اللي ضيعنا فيها عمرنا وصحتنا . اجرها عند الله
لمشاهدة الفيديو اضغط علي الرابط التالي
https://www.youtube.com/watch…
التغطية لعيون بورسعيد بالتعاون مع الشبكة الاعلامية رابطة عيون بورسعيد " صفحات ومواقع وجروبات "
ساحة النقاش