جارى التحميل
استخدم زر ESC أو رجوع للعودة
زى كل يوم الصبح عادي...الشارع الهادي بتاع باليل بيكون صاخب ومزعج..وكله رجلين ماشيه بخطوات احيانا ثابته..واحيانا مش راكزة وكتير مش حاسة بانها ماشية..اهو كل يوم نفس الطريق..نفس الناسوبرده هو هو الاحساس
والبدايه العظيمه لكل واحدة حكيمة فى طابور التذاكر فى المترو السعيدومين بياخد دور مين ..ومين بيدوس في مين..ومين مش هامه رجل الى جنبه الى اتفعصتعادي ..عادي مش مهم انا برده سعيدة ..ومش هاضايق وصباحي سكر...جايز
والست السمرة الغلبانه بتاعت المناديل الى راكنه على الحيطةجنب عم نبيل بتاع الجرايدتقولى "صباح الخير يا ست الكل..مناديل طازه بقى "اضحك...واخد المناديل وامشى ..مع انى مش محتاجهم ..لكنى محتاجه الانسانه..محتاجه اشوف ابتسامه
ونيجى بقى لرصيف المترو
والبشر ما شاء الله ..مترصصه اكوام اكواموالدنيا مليانه زحامومحدش طبعا طايق نفسه ..ده شئ اكيدوالتكشيرة الصباحية اكتشفت انها جين جوا كل مصرى اصيل
ويجى المترو فى حركه سريعه ..هوووووب الكل يهجم
وفي حركه وحده الدنيا تضلم فى ساعه صبح بكير..
يا ربى على المعجزات..
والذيذ كل يوم تلاقي الناس روحها كده طيبه وبتساعد بقلبها
وكمان بتساعد برجليها
..وبكل الحواس بصراحه ..
ولا شعوريا تلاقى نفسك فى
عربيه السيدات
"ده نتجيه المساعده طبعا"
وعمرى ما عرفت ازى ركبت
وباى رجل دخلت ..يلا مش مهم
وفى كل يوم فى الرحله العجيبه دى اقراء الجرايد
واروح شغلي مهمومه وكئيبه..زهقت النهارده وقلت اتفرج على الناس
لقت واحدهناك كده نازله شخط وضرب فى عيالها..
وهص وبس واخرسي يا قليله الادب ماتضربيش اخوكى
"بصراحه ولادها يفرسوا وهى كمان تغيظ"
والى جنبها موبيلها فصل شحن ..وشكلها كانت منتظره حاجه بقى
..يلا ربنا يسهل
وطنط الى هناك دى شبه طنط امال اخت طنط زينات
ياااةةةة..مش دى هدي الى كانت فى 1/2فى المدرسه
الاعدادي..دى شكلها اتغير اوي بشكل غير عادي!!!
...الغربيه ان الكل مشغول بحاجه..
والعجيبه ان مافيش حد بينزل من المترو ...
كان الجو هنا مفرح ومبهج!!!
ويطلع عموالبياع ...ويلف فى المترو كله ..
.وزعوزع وزعارميارمي
على كل حجر
..مره لبان ..عسليه..نعناع ..وكتير بينضرب عموالبياع
احسن يستاهل ..ايه الى طلعه
عربيه السيدات!!
وجات لى كده حاجه نطت نورت فى دماغي...
المترو بقى زحمه وكتيررررررر
والناس كل يوم بتزيد وتزيد
وعمرى ما لقيت كرسي فاضى ..
او حتى مساحه واسعه اقف فيها براحتى من غير التنفس
المشترك فى الاوكسجين
واحيانا بيتسرق!!!
المفروض يتغير المسمى من
"عربيه السيدات"الى "اتوبيس السيدات"
واهو الواحد برده ربنا مش بيرحمه من حاجه ...اهو انا
مش جربت الاتوبيسات بتاعت زمان
وبرده الناس كده بتبقى حاجه واحده...
كتله واحده
ضحكتنى كتله دى.
.والناس بصيت لى بصت يا هبله بتضحكى لوحدك!!!
....عادي انا حرة
و قلت ارجع تانى للجريده اتنكد لى شويا ...
يا لهوووووووووووووى
...المحطه فاتت يا ناس
الله يسامحك يا عقل ....ويهدك يا تفكير..اهو كده بقى عندى تاخير
"كان هذا صباح واقعى ايام الشغل العظيم"
سارة ربيع
ساحة النقاش