علي بالي كده

امشي فى المطر من غير برد  ولا  كوفيه!!

على بالي كده

اشرب قهوه فى الشوارع الخلفية

على بالي كده

اقولك بحبك من  غير ما اكون  مستحية!!

على بالي كده ..وبالى ماله!!

حاله بقي غير حاله
بالي كده صافي ولذيذ

مع  اني زي ما انا  ومش حاسه
باي تميز!!!!!!!!!!

على بالي كده

امشي بخفه على الارض
واشوط  الطوب بالطول والعرض
واطول السما بايد  واحده
وكاني مش واقفه  على الارض!!

علي بالي كده

اغني اغنيه   بصوت  عالي
لنفسي.. للناس...لدنيا
ميهمش...و انا  مالي!!

علي بالي كده

اكون  سعيده  ولو للحظه  وحيدة

انسي الهموم والشجون  والمشاكل
واخدني واكلمني على جنب
نتشاكل بقي

نتناقش ..نتكلم  ...نتسامر..
ما انا  اصلي بالي رايق

!!!

مع  ان  لسه  فى دمعه محبوسه  فى العيون

مع  ان  لسه  فى قلق مالي الجفون

مع  ان  لسه  هموم العالم  سكناني

لكن ....علي بالي كده

انسي حالي...واروق بالي ..

سارة ربيع