وعجبي

يلزمها تتغنى ع الرق ويا الناى 
اللى بيلهط حرام يتهنا بيه ازاى 
وياخده تحت مسمى حلاوه ولاا لشاى 
او اكراميه وتمنها يوم الحساب الجاى 
**** 
يارب لجل النبى تسترها ياستار 
دا كل سحت نما من الحرام للنار 
ياعاصى توب وارتجع واستغفر الغفار 
واياك واكل الحرامفى الشغل او ف الدار 
**** 
يمكن يكون المرتب موش كافى مايكفيش 
وبعد يوم م القبض بتدور ما تلاقيش 
جنيه تجيب به الملح وجنيه تجيب به العيش 
لكن عيش بالحلال لو حتى موش ح تعيش 
***** 
وان مت م الجوع وقالوا مات مقتول 
فا موت وما يهمكش والذنب ع المسئول 
وبنقص م العدس وكمان بنقص الفول 
ومادمت ميت شريف ح تكون هناك مقبول